ەۋرازيالىق ەكونوميكالىق وداق ۆەتناممەن كەلىسسوزدەر جۇرگىزۋدە

استانا. 2 ماۋسىم. رەسەي عىلىم اكادەمياسى پوستكەڭەستىك ەلدەر ورتالىعىنىڭ پوستكەڭەستىك ەلدەردى ەكونوميكالىق دامىتۋ سەكتورىنىڭ باسشىسى ەلەنا كۋزمينا ەۋرازيالىق ەكونوميكالىق وداق ۆەتنام مەملەكەتىمەن ەركىن ساۋدا ايماعىن قۇرۋ جونىندە كەلىسىمگە كەلۋ ۇستىندە دەپ مالىمدەدى. بۇل تۋرالى primeminister.kz حابارلادى ەلەنا كۋزمينا: «كەز-كەلگەن ەلدەردىڭ وداعىنا كىرۋگە شەكارالار اشىق. ەركىن ساۋدا ايماعى تۋرالى كەلىسىم – وتە ءتيىمدى جول. وسىنداي كەلىسىمنىڭ ءبىرى ەۋرازيالىق ەكونوميكالىق وداق پەن ۆەتنام اراسىندا جۇرگىزىلۋدە. ءوزارا كەلىسىمگە كەلۋ ءىسى اياقتالۋعا جاقىن», – دەدى. سونداي-اق, ول ەۋرازيالىق ەكونوميكالىق وداق دامىعان سايىن, وعان قىزىعاتىندار قاتارى كوبەيەتىنىن اتاپ ءوتتى. جولدىباي بازار. دەرەككوز: primeminister.kz. فوتو: primeminister.kz.