استانا. 2 ماۋسىم. بيىل ەلىمىزدە 92 مىڭنان استام مەكتەپ ءبىتىرۋشى تۇلەك ۇلتتىق بىرىڭعاي تەستىلەۋگە قاتىسىپ, باق سىنايدى. ولارعا شامامەن 34 مىڭ مەملەكەتتىك گرانت ءبولىنىپ وتىر. بۇل تۋرالى egemen.kz ءتىلشىسى حابارلادى.
ءبىلىم جانە عىلىم ءمينيسترى اسلان ءسارىنجىپوۆتىڭ ايتۋىنشا, ءبولىنىپ وتىرعان گرانتتىڭ 12 مىڭى تەحنيكالىق, 5 مىڭعا جۋىعى پەداگوگيكالىق, 2600-ءى اۋىل شارۋاشىلىعى ماماندىقتارىنا بەرىلەدى.
جاس تالاپكەر ۇلتتىق جوعارى وقۋ ورنىنا ءتۇسۋ ءۇشىن 70, اگرارلىق ۋنيۆەرسيەتتەرگە 60, ال قالعان وقۋ ورىندارىنا 50-دەن جوعارى بالل جيناۋى كەرەك.
قازىر بەلگىلى بولىپ وتىرعانداي, ءبىلىم گرانتى وقۋ ورنىنا ەمەس, تالاپكەرگە تىكەلەي بەرىلەدى. ال شەكتى بال وزگەرىسسىز قالدىرىلدى.
ءمينيستردىڭ سوزىنە قاراعاندا, بيىلعى ۇلتتىق بىرىڭعاي تەستىلەۋگە ەنگىزىلگەن جاڭا سۇراقتار ساپالى كورىنەدى.
اسلان ءسارىنجىپوۆ: «ءبىز جىل سايىن قولدانىلاتىن 50 مىڭ ساۋالدىڭ 14 مىڭىن جاڭارتتىق. جىل سايىن اپپەلياتسيانىڭ جۇمىس ىستەيتىنى بەلگىلى. بارلىق كوميسسيا اقپاراتتى جيناپ ءبىلىم جانە عىلىم مينيسترلىگىنە جولدايدى. ءبىز ونى ساراپتاي كەلىپ, جىل سايىنعى ساۋالدارعا وزگەرىس ەنگىزەمىز», – دەدى.
ەلىمىز بويىنشا ۇلتتىق بىرىڭعاي تەستىلەۋ 155 ورىندا تاپسىرىلادى. ال «التىن بەلگىگە» ۇسىنىلعان 4491 ءبىتىرۋشى تۇلەك بار. ولار وزدەرىنىڭ بىلىمدەرىنىڭ جوعارى دەڭگەيدە ەكەنىن وسى تەستىلەۋدە دالەلدەپ شىعۋلارى ءتيىس.
جولدىباي بازار.
دەرەككوز: egemen.kz
فوتو: Alashainasy.kz.