ەۋرازيالىق وداق تۋرالى كەلىسىم نەگىزگى ءتورت بولىكتەن تۇرادى

استانا. 29 مامىر. ەۋرازيالىق ەكونوميكالىق وداق تۋرالى كەلىسىم 4 بولىكتەن تۇرادى. بۇل تۋرالى جۋرناليستەرگە بەرگەن سۇحباتىندا ەكونوميكا جانە بيۋدجەتتىك جوسپارلاۋ ۆيتسە-ءمينيسترى تيمۋر جاقسىلىقوۆ مالىمدەدى. «ەۋرازيالىق ەكونوميكالىق وداق تۋرالى كەلىسىم 4 بولىكتەن تۇرادى. ءبىرىنشى بولىگى ينستيتۋتسيونالدىق نەمەسە قۇرىلتايلىق بولىگى بولىپ تابىلادى. ەكىنشىسى – كەدەن وداعى, ياعني ورتاق كەڭىستىك ىشىندەگى تاۋارلاردىڭ ەركىن قوزعالىسى نەگىزىنە اينالعان كەلىسىمدەر. ءۇشىنشى بولىگى بىرىڭعاي ەكونوميكالىق كەڭىستىك بولىپ تابىلادى. بۇعان كاپيتالداردىڭ جانە جۇمىس كۇشىنىڭ ەركىن قوزعالىسى جاتادى. ءتورتىنشىسى – قورىتىندى وتپەلى تارتىپتەر», - دەدى ت.جاقسىلىقوۆ. مۇرات ايتقوجا. دەرەككوز: BNews.kz. فوتو: agencyrating.kz.