قازاقستان رەسپۋبليكاسى پرەزيدەنتتىگىنە كانديدات قاسىم-جومارت توقاەۆتىڭ رەسپۋبليكالىق قوعامدىق شتابى سولتۇستىك قازاقستان وبلىسىنىڭ شارۋالارىمەن كەزدەستى.
اتاپ ايتساق, شتاب مۇشەلەرى «پەتەرفەلد اگرو» ءوندىرىس بازاسىندا وبلىس شارۋالارىنىڭ جانە اۋىلشارۋاشىلىق تاۋارلارىن وندىرۋشىلەرىنىڭ ماسەلەلەرىمەن تانىستى. ءىس-شارا بارىسىندا كانديداتتىڭ سايلاۋ الدىنداعى باعدارلاماسىندا كورسەتىلگەن, الداعى جەتى جىلدا اۋىل شارۋاشىلىعىن دامىتۋعا ارنالعان شارالار تالقىلاندى.
«سوڭعى ءۇش جارىم جىلدا قازاقستان اۋىر سىن-قاتەرلەرمەن بەتپە-بەت كەلدى. پاندەميا, قاسىرەتتى قاڭتار وقيعاسى, بۇگىنگى گەوساياسي احۋال ەلىمىزدىڭ دامۋىنا ءوز سالدارىن تيگىزدى. سوعان قاراماستان ءبىز تاۋەلسىزدىگىمىزدى ساقتاپ, مەملەكەتتىلىگىمىزدى نىعايتىپ, بىرلىگىمىزدى ارتتىرا تۇستىك. قازىرگى تاڭدا ەلىمىز جاڭا ادىلەتتى قازاقستان قۇرۋ جولىنداعى تاريحي كەزەڭگە قادام باسىپ وتىر», دەدى رەسپۋبليكالىق قوعامدىق شتاب دەلەگاتسياسىنىڭ باسشىسى ماۋلەن اشىمباەۆ.
سونداي-اق شتاب مۇشەلەرى بەسكول اۋىلىندا جۇرتشىلىقپەن كەزدەسىپ, وڭىرلەردىڭ ينفراقۇرىلىمىن دامىتۋ جونىندەگى باستامالاردى تالقىلادى.
پەتروپاۆل قالاسىنداعى Kozybayev University ۋنيۆەرسيتەتىندە وتكەن جاستارمەن كەزدەسۋدە شتاب مۇشەلەرى ەلىمىزدىڭ بارلىق جاس ازاماتىن ءوز قابىلەتىن تولىق جۇزەگە اسىرۋعا شاقىردى. شتاب مۇشەلەرى اسىرەسە الەۋمەتتىك-ەكونوميكالىق تەڭ مۇمكىندىكتەرمەن قامتاماسىز ەتۋگە قاتىستى سايلاۋ الدىنداعى باستاماعا باسا نازار اۋداردى.