«ەكى كوزىڭ – شىراعىڭ» دەپ دانا حالقىمىز ءبىلىپ ايتقان عوي. كوز جانارىم ناشارلاعان سوڭ ەمحاناعا بارىپ قارالعانمىن. ونداعى دارىگەرلەر كاتاراكتا دەگەن دياگنوز قويدى. سودان پورتال اشتىرىپ, جولدامامەن شىمكەنت قالاسىنداعى كلينيكالىق اۋرۋحاناعا قاراستى ەكىنشى ميكروحيرۋرگيا بولىمشەسىنە كەلدىم. قايتا قوسىمشا تەكسەرۋدەن وتكەن سوڭ ىلە-شالا كوزىمە وپەراتسيا جاسالدى.
ءساتتى جاسالعان وپەراتسيادان كەيىن دە ءبولىم مەڭگەرۋشىسى نۇرلان مياتبەك ۇلى دارىباەۆ باسقاراتىن ميكروحيرۋرگيا بولىمشەسىنىڭ قىزمەتكەرلەرى ەمدى ودان ءارى جالعاستىردى, ياعني تاۋلىك بويى كوز جانارىمدى تەكسەرىپ, ءتيىستى ەمدەۋ شارالارىن قولدانۋمەن بولدى. سونىڭ ناتيجەسىندە كوزىم شىراداي جانىپ, تەز جازىلۋ ءۇشىن كەڭەستەر الىپ, ەمحانادان شىقتىم.
كوزگە وپەراتسيا جاساۋعا قاتىسقان جانە ەمدەرىن اياماعان دارىگەرلەر عازيز سەرىكباي ۇلى مەيراموۆ, نۇركەن ادىلبەك ۇلى, ءاليا ابدىمالىكقىزى, ەرجان بەيبىت ۇلى قاشقىنباەۆ, ءاليا يۋلچيبەكوۆا, اعا مەيىربيكە گۇلزادا باقىتجانقىزى مىرزاليەۆا سەكىلدى اق جەلەڭدى ابزال جاندارعا العىسىمدى ايتىپ, ەمدەلۋشىلەردىڭ اق العىسىنان القا تاعا بەرىڭىزدەر دەگىم كەلەدى. كوسەگەلەرىڭىز كوگەرىپ, شاڭىراقتارىڭىزعا ءتاڭىردىڭ نۇرى جاۋا بەرسىن.
ناشار كورەتىن جاندارعا جانار مەن جۇرەك جىلۋىن سىيلايتىن مەيىرىمدى اق جەلەڭدىلەر البەتتە كوبەيە ءتۇسسىن.
كارىباي امزە ۇلى,
زەينەتكەر
تۇركىستان وبلىسى