قازاقستان قۇراماسى س توبىنا كىرىپ, 8 قاراشادا ۇلىبريتانيامەن, ال 9 قاراشادا يسپانيامەن وينايدى. ماتچتار «Emirates Arena» جابىق الاڭىندا وتەدى, دەپ حابارلايدى Egemen.kz.
بيللي دجين كينگ كۋبوگى شوتلانديانىڭ گلازگو قالاسىندا وتەدى.
ياروسلاۆا شۆەدوۆا باستاعان قازاقستان قۇراماسىنىڭ جاتتىقتىرۋشىلار شتابى كەلەسى ويىنشىلاردى تاڭدادى: ەلەنا رىباكينا (WTA بىرىڭعاي رەيتينگىنىڭ 26-شى ءنومىرى), يۋليا پۋتينتسەۆا (WTA بىرىڭعاي رەيتينگىنىڭ 47-ءشى ءنومىرى), اننا دانيلينا (WTA جۇپتىق رەيتينگىنىڭ 21-ءشى ءنومىرى) جانە جىبەك قۇلامباەۆا (WTA جۇپتىق رەيتينگىنىڭ 189-شى ءنومىرى).
12 كوماندا – ۇلىبريتانيا, قازاقستان, اۆستراليا, بەلگيا, كانادا, چەحيا, يتاليا, پولشا, يسپانيا, سلوۆاكيا, شۆەيتساريا, اقش – ءتورت توپقا ءبولىنىپ, ءار توپتىڭ جەڭىمپازدارى بىردەن الەم چەمپيوناتىنىڭ جارتىلاي فينالىنا شىعادى.
فينال 13 قاراشادا وتەدى.