ۆاسيلي لەۆيت سىبايلاس جەمقورلىققا قارسى ءىس-قيمىل اگەنتتىگى قىزمەتكەرلەردى فيزيكالىق شىنىقتىرۋ باسقارماسىنىڭ باسشىسى بولىپ تاعايىندالدى, دەپ حابارلايدى Egemen.kz اگەنتتىكتىڭ Telegram ارناسىنا سىلتەمە جاساپ.
«وعان سىبايلاس جەمقورلىققا قارسى قىزمەت قىزمەتكەرلەرىنىڭ دەنە شىنىقتىرۋ دەڭگەيىن ارتتىرۋ, سونداي-اق اگەنتتىكتى قۇقىق قورعاۋ ورگاندارىندا تانىمال ەتۋ مىندەتى قويىلادى», دەلىنگەن ءباسپاسوز حابارلاماسىندا.
ۆاسيلي لەۆيت 1988 جىلى قوستاناي وبلىسىندا دۇنيەگە كەلگەن. ءبىلىمى - جوعارى. قر ەڭبەك سىڭىرگەن سپورت شەبەرى, 2016 جىلعى وليمپيادا ويىندارىنىڭ كۇمىس جۇلدەگەرى, الەم چەمپيوناتىنىڭ ەكى دۇركىن قولا جۇلدەگەرى (2017, 2019), قازاقستان تاريحىنداعى العاشقى ءۇش دۇركىن ازيا چەمپيونى (2009, 2015, 2017), ازيا چەمپيوناتىنىڭ ەكى دۇركىن (2019, 2021), بوكستان حالىقارالىق جانە ۇلتتىق جارىستاردىڭ بىرنەشە دۇركىن جەڭىمپازى.
ەل دامۋىنا قوسقان ۇلەسى ءۇشىن 2 دارەجەلى «بارىس» وردەنىمەن ماراپاتتالعان.