پرەزيدەنت جانىنداعى ورتالىق كوممۋنيكاتسيالار قىزمەتىندە وتكەن ءباسپاسوز-كونفەرەنتسياسىندا ىشكى ىستەر ءمينيسترى مارات احمەتجانوۆ شەتەلدىك اۆتوكولىكتەردى زاڭداستىرۋ تۋرالى پىكىر ءبىلدىردى, دەپ حابارلايدى Egemen.kz.
ايتا كەتۋ كەرەك, شەتەلدىك اۆتوكولىكتەردى زاڭداستىرۋ جۇمىستارى پرەزيدەنتتىڭ تاپسىرماسى بويىنشا جۇزەگە اسىرىلىپ جاتىر. ساقتاندىرۋ كومپانيالارىنىڭ دەرەكتەرى بويىنشا, ەلدە 300 مىڭنان استام شەتەلدىك اۆتوموبيل بار. ولاردىڭ بارلىعى دەرلىك ەۋرازيالىق ەكونوميكالىق وداق ەلدەرىنەن – رەسەي, ارمەنيا, قىرعىزستان جانە بەلورۋسسيادان اكەلىنگەن (99%).
– ولاردى قازاقستاندا زاڭداستىرۋ جۇمىستارى ەكى كەزەڭگە بولىنگەن.ء بىرىنشى كەزەڭ – زاڭداستىرۋدى وتكىزۋ ءۇشىن زاڭناماعا قاجەتتى تۇزەتۋلەر ەنگىزۋ. ەكىنشى كەزەڭ – بارلىق قاجەتتى قۇقىقتىق اكتىلەر قابىلدانعاننان كەيىن زاڭداستىرۋدى وتكىزۋ, – دەدى مينيستر.