جەتى وڭىردە 2 گرادۋس ۇسىك جۇرەدى

19 تامىزدا تۇندە قاراعاندى وبلىسىنىڭ سولتۇستىك بولىگىندە تۇمان, جەر بەتىندە 2 گرادۋس ۇسىك جۇرەدى.

اقتوبە وبلىسىنىڭ سولتۇستىك-شىعىسىندا, وڭتۇستىگىندە جانە ورتالىعىندا سولتۇستىك-شىعىستان, شىعىستان جەل سوعىپ ەكپىنى 15-20 م/س جەتەدى.

باتىس قازاقستان وبلىسىنىڭ باتىس بولىگىندە, وڭتۇستىگىندە نايزاعاي كۇتىلەدى. جەل سولتۇستىك-شىعىستان, شىعىستان سوعادى, تۇندە وبلىستىڭ سولتۇستىك-باتىسىندا 15-20, كۇندىز وبلىستىڭ باسىم بولىگىندە 15-20, وبلىستىڭ باتىسىندا ەكپىنى 23 م/س.

19 تامىزدا اباي وبلىسىنىڭ بەسقاراعاي اۋدانىندا توتەنشە ءورت قاۋپى ساقتالادى.

اقمولا وبلىسىنىڭ سولتۇستىگىندە نايزاعاي جارقىلدايدى. وبلىستىڭ سولتۇستىگىندە, شىعىسىندا تۇندە جانە تاڭەرتەڭ تۇمان تۇسەدى. سولتۇستىك-باتىستان, سولتۇستىكتەن جەل سوعادى, وبلىستىڭ سولتۇستىگىندە, شىعىسىندا كۇندىز ەكپىنى 15-20 م/س كۇتىلەدى. وبلىستىڭ باتىسىندا, شىعىسىندا تۇندە توپىراق بەتىندە 2 گرادۋس ۇسىك جۇرەدى.

نۇر-سۇلتان قالاسىندا 19 تامىزدا تۇندە توپىراق بەتىندە 2 گرادۋس ۇسىك بولادى.

شىعىس قازاقستان وبلىسىنىڭ تاۋلى ايماقتارىندا جاۋىن-شاشىن (جاڭبىر, جىلبىسقى قار) كۇتىلەدى. تۇندە وبلىستىڭ سولتۇستىك-شىعىسىندا, شىعىسىندا جەر بەتىندە ۇسىك 2 گرادۋس كۇتىلەدى.

قىزىلوردا وبلىسىندا جەل سولتۇستىك-شىعىستان سوعادى, تاڭەرتەڭ جانە كۇندىز وبلىستىڭ ورتالىعىندا, شىعىسىندا 15-20, ەكپىنى 23 م/س كۇتىلەدى. وبلىستىڭ باسىم بولىگىندە توتەنشە ءورت قاۋپى ساقتالادى.

ماڭعىستاۋ وبلىسىنىڭ باتىسىندا, سولتۇستىك-شىعىسىندا, ورتالىعىندا شاڭدى داۋىل كۇتىلەدى. جەل وڭتۇستىك-شىعىستان سوعادى, وبلىستىڭ باتىسىندا, سولتۇستىك-شىعىسىندا, ورتالىعىندا 15-20 م/س كۇتىلەدى. كۇندىز وبلىستىڭ باسىم بولىگىندە 38 گرادۋس قاتتى ىستىق ساقتالادى. وبلىستىڭ وڭتۇستىگىندە توتەنشە ءورت قاۋپى ساقتالادى.

پاۆلودار وبلىسىنىڭ سولتۇستىك-باتىستان جەل سوعادى, وبلىستىڭ سولتۇستىگىندە, شىعىسىندا 15-20 م/س كۇتىلەدى. تۇندە باتىسىندا توپىراق بەتىندە 1 گرادۋس ۇسىك كۇتىلەدى.

19 تامىز كۇندىز اتىراۋ وبلىسىنىڭ باسىم بولىگىندە وڭتۇستىك-شىعىستان, شىعىستان جەل سوعادى, 17-22 م/س. كۇندىز 37 گرادۋس قاتتى ىستىق ساقتالادى. وبلىستىڭ شىعىسىندا توتەنشە ءورت قاۋپى ساقتالادى.

قوستاناي وبلىسىنىڭ سولتۇستىك-شىعىسىندا نايزاعاي كۇتىلەدى. تۇندە جانە تاڭەرتەڭ وبلىستىڭ باتىسىندا تۇمان تۇسەدى. سولتۇستىك-شىعىستان جەل سوعادى, كۇندىز وبلىستىڭ سولتۇستىك-شىعىسىندا ەكپىنى 15-20 م/س. تۇندە وبلىستىڭ سولتۇستىگىندە توپىراق بەتىندە 2 گرادۋس ۇسىك كۇتىلەدى.

تۇركىستان وبلىسىنىڭ سولتۇستىگىندە, باتىسىندا, تاۋلى جانە تاۋ بوكتەرلى اۋداندارىندا سولتۇستىك-شىعىستان جەل سوعادى, كۇشى 15-20, كۇندىز ەكپىنى 25 م/س. وبلىستىڭ وڭتۇستىگىندە, شىعىسىندا توتەنشە ءورت قاۋىپى ساقتالادى.

شىمكەنت قالاسىندا 19 تامىزدا سولتۇستىك-شىعىستان جەل سوعادى, ەكپىنى 15-20 م/س.

19 تامىزدا تۇندە جانە تاڭەرتەڭ سولتۇستىك قازاقستان وبلىسىنىڭ سولتۇستىك-باتىسىندا تۇمان كۇتىلەدى. سولتۇستىك-باتىستان جەل سوعادى, كۇندىز وبلىستىڭ سولتۇستىگىندە, شىعىسىندا ەكپىنى 15-20 م/س كۇتىلەدى. تۇندە وبلىستىڭ باتىسىندا توپىراق بەتىندە 2 گرادۋس ۇسىك جۇرەدى.