سينوپتيكتەر 17 تامىزعا ارنالعان اۋا رايى بولجامىن جاريالادى, دەپ حابارلايدى Egemen.kz.
«اۋقىمدى سولتۇستىك-باتىس انتيتسيكلونى اسەرىنەن قازاقستاننىڭ باسىم بولىگىندە جاۋىن-شاشىنسىز اۋا رايى ساقتالادى, سونىمەن قاتار تەمپەراتۋرالىق فون بىرتىندەپ تومەندەي باستايدى. فرونتالدى بولىكتەرگە بايلانىستى رەسپۋبليكامىزدىڭ سولتۇستىگىندە, شىعىسىندا, تاۋلى اۋدانداردىڭ وڭتۇستىك-شىعىسىندا جاڭبىر جاۋىپ, نايزاعاي بولادى. رەسپۋبليكا بويىنشا كەي جەرلەردە جەل كۇشەيەدى», دەلىنگەن «قازگيدرومەت» رمك حابارلاماسىندا.
كۇندىز باتىس قازاقستان, ماڭعىستاۋ وبلىستارىنىڭ وڭتۇستىگىندە, اتىراۋ وبلىسىنىڭ شىعىسىندا, اقتوبە وبلىسىنىڭ باتىسىندا وتە قاتتى ىستىق بولادى.
قىزىلوردا وبلىسى, تۇركىستان وبلىسىنىڭ وڭتۇستىگىندە, شىعىسىندا, اتىراۋ, اقتوبە, الماتى وبلىستارىنىڭ شىعىسىندا, باتىس قازاقستان, ماڭعىستاۋ, جەتىسۋ وبلىستارىنىڭ وڭتۇستىگىندە, جامبىل وبلىسىنىڭ باتىسىندا, وڭتۇستىگىندە, اباي وبلىسىنىڭ بەسكاراعاي اۋدانىندا توتەنشە ءورت قاۋپى ساقتالادى.
تەك سولتۇستىك ايماقتاردا جاڭبىر جاۋى مۇمكىن.