قازگيدرومەت كۇزدە قازاقستاندا اۋا رايى قانداي بولاتىنىن بولجادى, دەپ حابارلايدى Egemen.kz.
سينوپتيكتەردىڭ مالىمەتىنشە, كۇزدە اۋا رايى قۇبىلمالى بولىپ, جاڭبىر, ەكپىندى جەل ءجيى بولادى. اراسىندا جىلى, شۋاقتى كۇندەر دە كۇتىلەدى.
«كۇزگە ارنالعان كونسۋلتاتيۆتىك ماۋسىمدىق اۋا رايى بولجامىنا سايكەس, كۇزدىڭ العاشقى ەكى ايىندا رەسپۋبليكانىڭ باسىم بولىگىندە اۋا تەمپەراتۋراسى, 1-2° گرادۋسقا نورمادان جوعارى بولادى دەگەن بولجام بار. قاراشا ايى, رەسپۋبليكانىڭ باسىم بولىگىندە جىلى, ال باتىس قازاقستان, اتىراۋ, سولتۇستىك قازاقستان, اقتوبە, قوستاناي وبلىستارىنىڭ سولتۇستىك-باتىسىندا, پاۆلودار وبلىسىنىڭ سولتۇستىك جارتىسىندا - نورما شەگىندە جىلى بولادى», دەلىنگەن حابارلامادا.
قىركۇيەك جانە قازان ايلارىندا جاۋىن-شاشىن مولشەرى قازاقستاننىڭ باسىم بولىگىندە نورمادان از بولادى, ياعني كوبىنەسە قۇرعاق بولادى. قاراشا ايىندا ەلدىڭ كوپتەگەن وبلىستارىندا جاۋىن-شاشىن - كليماتتىق نورماعا جاقىن بولادى دەپ كۇتىلەدى.