قۇرمەتتى وتانداستار!

قازاقستان حالقى اس­سامبلەياسى ءسىز­دەردى وتان قور­عاۋ­شى كۇنىمەن شىن جۇرەكتەن قۇت­تىق­تايدى! بۇل – شىن مانىندە جالپى­حالىقتىق مەرەكە. ول پاتريوتتىق ءداس­تۇر­لەرىمىزدىڭ جالعاستىعىن, بىرلىگىمىزدى, بورىشقا ادالدىعىمىزدى, اسقاق نامىسىمىز بەن ايبىندى اسكەرىمىزدى پاش ەتەدى. ءبىز اتالارىمىز بەن اكەلەرىمىزدىڭ قايسار ەرلىكتەرىن ەستە ساقتاي وتىرىپ, ەلىمىزدىڭ قاۋىپسىزدىگى مەن قورعانىسىنىڭ قالقانى – باتىر ۇلاندارىمىزدى ماقتان تۇتامىز. ءبىز ءاربىرىمىز اسكەري شەپتە نەمەسە بەيبىت قىزمەتتە بولساق تا, ەڭ الدىمەن, ءوز جەرىمىزدىڭ, وتباسىمىزدىڭ, وتانىمىز – قازاقستان رەسپۋبليكاسىنىڭ قورعاۋشىسىمىز. وتانعا قىزمەت – ەجەلدەن قۇرمەتكە يە ابىرويلى ءىس, ال اسكەري قىزمەت ارقاشان ءوزىن شىن پاتريوت دەپ سانايتىن ءبىزدىڭ ەلىمىزدىڭ ءاربىر ازاماتىنىڭ قاسيەتتى بورىشى. بۇگىن ءبىز وتانىن قورعاۋ جولىندا قالتقىسىز قىزمەت اتقارىپ ءجۇر­گەن بارشا ازاماتتارىمىزدى قۇت­تىق­تايمىز.

قادىرلى ازاماتتار! قۇرمەتتى ارداگەرلەر, جاۋىنگەرلەر, وفيتسەرلەر جانە بارشا وتان قورعاۋشى – ابىرويلى ماماندىقتىڭ يەلەرى سىزدەرگە جانە جاقىندارىڭىزعا زور دەنساۋلىق, باقىت, بەيبىتشىلىك, ىرىس پەن ىنتىماق, ەرلىك پەن رۋحاني كۇش-قۋات تىلەيمىز! وتانىمىزدى قورعاۋ جولىنداعى قىزمەتتەرىڭىز جەمىستى جانە ابىرويلى بولسىن! ارقاشان اسپانىمىز اشىق, جەرىمىز تىنىش, ەلىمىز امان بولسىن! قازاقستان حالقى اسسامبلەياسى