قازاقستان حالقى اسسامبلەياسى توراعاسىنىڭ ورىنباسارى, پارلامەنت سەناتىنىڭ دەپۋتاتى اناتولي باشماكوۆتىڭ باستاماسىمەن پەتروپاۆل قۇرىلىس-ەكونوميكا كوللەدجىندە ستۋدەنتتەردىڭ بەيبىتشىلىك جانە كەلىسىم ورتالىعى قۇرىلدى.
ونىڭ اشىلۋ سالتاناتىنا قاتىسقان وبلىستىق اسسامبلەيانىڭ حاتشىلىق مەڭگەرۋشىسى نايل ساليموۆ مۇنداي ءۇردىس ەلىمىزدە العاش رەت قولعا الىنىپ وتىرعانىن, جاستاردىڭ قوعامدىق بەلسەندىلىگىن ارتتىرۋ ماقساتىمەن ساراپتاما توپتارى جۇمىس ىستەيتىنىن جەتكىزدى.
اكت زالىنا جينالعان وقىتۋشىلار مەن ستۋدەنتتەر عارىشكەر الەكساندر ۆيكتورەنكومەن وتكىزىلگەن تەلەكوپىردى تاماشالادى. ا.باشماكوۆ سولتۇستىكقازاقستاندىقتار اتىنان جەرلەسىمىزگە ىستىق سالەم جولدادى. 14 وقۋ وزاتىنا ا.ۆيكتورەنكو اتىنداعى ستيپەنديالاردى تابىس ەتتى. وسىمەن ەكىنشى رەت بەرىلىپ وتىرعان اتاۋلى ديپلومدارعا ءبىر توپ ۇستازدار مەن الەۋمەتتىك ارىپتەس ۇيىمدار يە بولدى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.