«ەير استانا» اۆياكومپانياسى ۇلى وتان سوعىسىنىڭ ارداگەرلەرى مەن مۇگەدەكتەرىن جەڭىس مەرەكەسىمەن قۇتتىقتاپ, ولاردى تمد جانە قازاقستان اۋماعىنداعى قارۋلاستارىمەن كەزدەستىرۋ ءۇشىن 2002 جىلدان بەرى تەگىن تاسىمالداۋ ۇيىمداستىرۋدا. الايدا, اۋەجاي الىمدارىن ارداگەرلەر ءوز قالتالارىنان تولەيدى. بيلەتتەردى اركىم ءوز قالاسىنداعى ساتۋ جانە برونداۋ ورتالىعىنان نەمەسە اۆيكومپانيانىڭ اگەنتتىگىنەن +7 (727) 244 44 77 تەلەفونىنا حابارلاسىپ, الۋعا جانە برونداۋعا بولادى. اۆياكومپانيا ۇشاقتارى قازاقستان اۋماعىنان باسقا تمد ىشىندەگى ماسكەۋ, سانكت-پەتەربۋرگ, قازان, سامارا, نوۆوسيبيرسك, ومبى, ەكاتەرينبۋرگ, كيەۆ, باكۋ, دۋشانبە, تاشكەنت جانە بىشكەك قالالارىنا رەيستەر جاسايدى.
ايتا كەتەتىن جايت, 2010-2013 جىلدار ارالىعىندا اۆياكومپانيا ۇوس ارداگەرلەرى مەن مۇگەدەكتەرىنە وسىنداي جولمەن 5371 بيلەتتى تەگىن بەرگەن بولاتىن.
«ەگەمەن-اقپارات».