بۇگىن ەل اۋماعىندا جاڭبىر جاۋىپ, كۇن كۇركىرەيدى

قازاقستان تەرريتورياسىنىڭ باسىم بولىگى اتموسفەرالىق فرونتتاردىڭ ىقپالىندا بولادى. فرونتتار سولتۇستىكتەن وڭتۇستىككە اۋىسا وتىرىپ, جاڭبىر جاۋادى, سالدارىنان نايزاعاي ويناپ, ەكپىندى جەل سوعادى.

كۇندىز ورتالىقتا, وڭتۇستىك-شىعىستىڭ تاۋلى اۋداندارىندا قاتتى جاڭبىر جاۋادى, باتىستا, شىعىستا, وڭتۇستىك-شىعىستا بۇرشاق جاۋى مۇمكىن. تۇندە جانە تاڭەرتەڭ رەسپۋبليكانىڭ سولتۇستىگىندە, سولتۇستىك-باتىسىندا تۇمان تۇسەدى. تەك ەلىمىزدىڭ وڭتۇستىك-باتىسىندا, سولتۇستىگىندە انتيتسيكلون سىلەمى بار جەرلەردە جاۋىن-شاشىن توقتايدى.

كۇندىز قاراعاندى وبلىسىنىڭ شىعىسىندا, ورتالىعىندا, جامبىل وبلىسىنىڭ تاۋلى اۋداندارىندا قاتتى جاڭبىر جاۋادى. كۇندىز اتىراۋ وبلىسىنىڭ باسىم بولىگىندە قاتتى ىستىق ساقتالادى. قىزىلوردا وبلىسىنىڭ باسىم بولىگىندە, اباي وبلىسىنىڭ وڭتۇستىگىندە, اتىراۋ وبلىسىنىڭ سولتۇستىگىندە توتەنشە ءورت قاۋپى ساقتالادى.

نۇر-سۇلتان قالاسىندا اسپاندا كوشپەلى بۇلت بولادى, جاۋىن-شاشىن جوق. سولتۇستىك-شىعىستان جەل سوعادى, كۇندىز ەكپىنى 15-20 م/س جەتەدى. اۋا تەمپەراتۋراسى تۇندە +11+13°س, كۇندىز +23+25°س بولادى.

الماتى قالاسىندا كوشپەلى بۇلت شىعىپ, وتكىنشى جاڭبىر جاۋادى, كۇن كۇركىرەيدى. سولتۇستىك-شىعىستان جەل سوعادى, كۇشى - 3-8 م/س. اۋا تەمپەراتۋراسى تۇندە +19+21°س, كۇندىز +29+31°س بولادى.

شىمكەنت قالاسىندا كوشپەلى بۇلتتى, كەي ۋاقىتتا جاڭبىر جاۋىپ, نايزاعاي جارقىلدايدى, داۋىل تۇرادى. وڭتۇستىك-باتىستان جەل سوعادى, كۇشى - 8-13, ەكپىنى - 15-20 م/س. اۋا تەمپەراتۋراسى تۇندە +18+20°س, كۇندىز +31+33°س بولادى.