قر اقپارات جانە قوعامدىق دامۋ مينيسترلىگى ءدىن ىستەرى كوميتەتىنىڭ ارنايى جوباسى اياسىندا 21-22 شىلدە ارالىعىندا قىزىلوردا جانە تۇركىستان وبلىستارىندا ءدىن ماسەلەلەرى جونىندەگى رەسپۋبليكالىق اقپاراتتىق-ءتۇسىندىرۋ توبىنىڭ ماماندارى جەرگىلىكتى تۇرعىندارمەن كەزدەسۋلەر وتكىزدى, دەپ حابارلايدى Egemen.kz.
رەسپۋبليكالىق اقپاراتتىق-ءتۇسىندىرۋ توبىنىڭ ماماندارى قازاقستاندىق قوعامنىڭ ءداستۇرلى, مادەني جانە وتباسىلىق قۇندىلىقتارىن نىعايتۋعا باعىتتالعان ءدىني – اعارتۋشىلىق جۇمىسىن, سونىمەن قاتار ءدىني ەسترەميزىمنىڭ تارالۋىن الدىن الۋعا باعىتتىلعان رۋحاني-اعارتۋ جۇمىسىن ۇيىمداستىرۋ شەڭبەرىندە ءتۇسىندىرۋ جۇمىستارىن جۇرگىزدى.
اتالعان كەزدەسۋلەرگە راتت مۇشەلەرىنەن (تەولوگتار, ءدىنتانۋشىلار) – شاعىرباي ا.د., مەيىربەكوۆ د.ە., ورازباەۆ ق.ي., وسپانوۆ ب. ە., بەكبوسىنوۆ ە.ت., حالىقوۆ م.م., بەرداليەۆ ي.ت., ماتاەۆ ە.ج. تارتىلدى.
21-22 شىلدە ارالىعىندا قىزىلوردا وبلىسىندا راتت مۇشەلەرىنىڭ قاتىسۋىمەن قاجد زك-169/5 مەكەمەسىندە ەكسترەميزم جانە تەرروريزم بابى بويىنشا سوتتالۋشى ازاماتتارمەن جەكە كەزدەسۋلەر, «جاستار رەسۋرستىق ورتالىعىندا» وبلىستىق اتت مۇشەلەرى مەن ءدىن ماسەلەلەرىن زەرتتەۋ ورتالىعىنىڭ تەولوگ ماماندارىمەن, تورەتام كەنتىندە دەسترۋكتيۆتى ءدىني اعىم ۇستانۋشى جاماعاتتارىمەن, «جارىمبەت» مەشىت جاماعاتىمەن, ارال جانە قازالى اۋداندارىندا دەسترۋكتيۆتى ءدىني اعىم ۇستانۋشى جاماعاتتارىمەن, «جانقوجا باتىر» مەشىتىندە مەشىت جاماعاتتارىمەن, اۋداندىق اكىمدىگىنىڭ ءماجىلىس زالىندا اۋداندىق اتت مۇشەلەرىمەن, «جاستار رەسۋرستىق ورتالىعىندا» اۋدان جاستارىمەن جانە ت.ب. كەزدەسۋلەر وتكىزىلدى.
سونداي-اق 21-22 شىلدە ارالىعىندا راتت مۇشەلەرىنىڭ قاتىسۋىمەن ماقتاارال اۋدانى, كەلەس اۋدانى, سارىاعاش جانە جەتىساي قالالارىندا ىشكى ىستەر ءبولىمى, پروباتسيا قىزمەتتەرىندە شارتتى تۇردە باس بوستاندىعىنان ايرىلعان ازاماتتارمەن, اكىمشىلىكتەردەگى ءماجىلىس زالدارىندا اۋداندار تۇرعىندارىمەن, ورتالىق بازارلار مەن اۆتوبەكەتتەردە ءوزىن-ءوزى جۇمىسپەن قامتىعان ساۋداگەرلەر جانە تاكسي جۇرگىزۋشىلەرىمەن, «ابدۋل اكىم», «نۇعمان», «ەشان بابا» مەشىتتەرىندە دەسترۋكتيۆتى ءدىني اعىم ۇستانۋشى جاماعاتتارمەن جانە ت.ب. كەزدەسۋلەر وتكىزىلدى.
وتكىزىلگەن ءىس-شارالاردا قالا تۇرعىندارىنا قازاقستاندا تۇراتىن بارلىق كونفەسسيالار مەن ەتنوستاردىڭ بەيبىت ءوزارا ءىس-قيمىلى مەن قاتار ءومىر سۇرۋىنە, قازاقستان حالقىنىڭ مادەنيەتى مەن رۋحاني مۇراسىنا, دەسترۋكتيۆتى جالعان ءدىني جانە راديكالدى يدەيالاردىڭ زياندىلىعىنا باعىتتالعان ءدىن سالاسىنداعى مەملەكەتتىك ساياساتتىڭ ءمانى تۋرالى اقپاراتتار بەرىلدى.
ساراپشىلار ءدىننىڭ رۋحاني-ادامگەرشىلىك قۇرامداس بولىگى ماسەلەلەرىنە, قازىرگى قازاقستاندىق قوعامداعى ايەلدەردىڭ ءرولى مەن الەۋمەتتىك مارتەبەسىن ارتتىرۋعا, سونداي-اق دەسترۋكتيۆتى ءدىني اعىمداردىڭ اسەرىنە قارسى تۇرۋ شارالارىنا ەرەكشە نازار اۋداردى.
تىڭداۋشىلار تاراپىنان دا راتت مۇشەلەرىنە بىرقاتار سۇراقتار قويىلىپ, ساۋالدارعا تۇجىمدى جاۋاپتار الىندى.