«بايقوڭىر» عارىشايلاعىندا «سويۋز مس-22» باسقارىلاتىن عارىش كەمەسىن ۇشىرۋ ءۇشىن «سويۋز-2.1ا» زىمىران تاسىعىشىن دايىنداۋ جۇمىستارى جالعاسۋدا, دەپ حابارلايدى Egemen.kz.
«يۋجنىي» عارىش ورتالىعىنىڭ ماماندارى زىمىراننىڭ ءبىرىنشى جانە ەكىنشى كەزەڭدەرىن مەحانيكالىق قۇراستىرۋدى جۇزەگە اسىرعان سوڭ ولار عارىشايلاعى ۋچاسكەسىنىڭ № 31 تەحنيكالىق كەشەنىنىڭ قۇراستىرۋ-سىناۋ كورپۋسىنداعى ساقتاۋ ورنىنا جونەلتىلدى.
روسكوسموستىڭ ءباسپاسوز قىزمەتى حابارلاعانداي, جۇمىستىڭ كەلەسى كەزەڭى - پنەۆماتيكالىق سىناقتار, اۆتونومدى جانە كەشەندى سىناقتار, ەڭ سوڭىندا عارىشتىق زىمىراننىڭ جالپى جيناقتاۋ جۇمىستارى.
ەسكە سالا كەتسەك, بايقوڭىر عارىش ايلاعىنان «سويۋز مس-22» باسقارىلاتىن عارىش كەمەسى بار «سويۋز-2.1ا» زىمىران-تاسىعىشىن ۇشىرۋ 2022 جىلدىڭ 21 قىركۇيەگىنە جوسپارلانعان. حعس-قا قۇرامىندا روسكوسموس عارىشكەرلەرى سەرگەي پروكوپەۆ, دميتري پەتەلين جانە NASA استروناۆتى فرانسيسكو رۋبيو بار 68-ءشى ۇزاق مەرزىمدى ەكسپەديتسيا ەكيپاجى اتتانادى.