اقتوبە وبلىسى شالقار اۋدانىندا قاتتى جەل سوعىپ, بىرنەشە الەۋمەتتىك نىسان مەن ءۇيدىڭ شاتىرى ۇشىپ كەتتى, دەپ حابارلايدى Egemen.kz.
وبلىستىق تجد مالىمەتىنشە, كەزەكشى-ديسپەتچەرلىك پۋلتىنە شالقار قالاسىنداعى داۋىل تۋرالى اقپارات 19 شىلدە كۇنى ساعات 21:50-دە تۇسكەن.
«قاتتى جەلدەن №2 مەكتەپ شاتىرىنىڭ ءبىر بولىگى ۇشىپ كەتتى. اۋدانى 100 شارشى مەتردى قۇرايدى. سونداي-اق «ازامات» سپورت كەشەنىنىڭ دە شاتىرىنىڭ 50 شارشى مەتر اۋماعى ءب ۇلىنىپ, جەكە ءۇيدىڭ شاتىرى زاقىمدالدى», دەلىنگەن تجد حابارلاماسىندا.
قاتتى جەلدەن زارداپ شەككەندەر تىركەلگەن جوق. جەرگىلىكتى اتقارۋشى بيلىك تاراپىنان 22 ادام مەن 5 تەحنيكا جۇمىلدىرىلدى.
سينوپتيكتەردىڭ مالىمەتىنشە جەل جىلدامدىعى سەكۋندىنا 21 مەترگە جەتكەن.