قازگيدرومەت 20 شىلدەگە ارنالعان اۋا رايى بولجامىن جاريالادى, دەپ حابارلايدى Egemen.kz.
سينوپتيكتەردىڭ مالىمەتىنشە, سولتۇستىك-باتىس تسيكلونىنىڭ جىراسى ەل تەرريتورياسىنىڭ باسىم بولىگىندە نايزاعايمەن جاڭبىر, جەلدىڭ كۇشەيۋىن, سولتۇستىك-باتىستا بۇرشاق, وڭتۇستىك پەن وڭتۇستىك-باتىستا شاڭدى داۋىل الىپ كەلەدى.
تەك ەلىمىزدىڭ وڭتۇستىگى مەن وڭتۇستىك-شىعىسىندا انتيتسيكلون جوتاسى جاۋىن-شاشىنسىز اۋا رايىن ساقتايدى.
تۇركىستان, قىزىلوردا, جامبىل وبلىستارىنىڭ باسىم بولىگىندە, اتىراۋ, وبلىسىنىڭ وڭتۇستىگىندە, باتىس قازاقستان وبلىسىنىڭ وڭتۇستىك-باتىسىندا توتەنشە ءورت قاۋپى ساقتالادى.
كۇندىز تۇركىستان, ماڭعىستاۋ, اقتوبە, ۇلىتاۋ وبلىستارىنىڭ باسىم بولىگىندە, الماتى, جەتىسۋ وبلىستارىنىڭ باتىسىندا, باتىس قازاقستان, اتىراۋ, قوستاناي, قاراعاندى وبلىستارىنىڭ وڭتۇستىگىندە, اقمولا وبلىسىنىڭ وڭتۇستىك-باتىسىندا قاتتى ىستىق بولادى.
كۇندىز قىزىلوردا, جامبىل وبلىستارىنىڭ باسىم بولىگىندە, ماڭعىستاۋ, ۇلىتاۋ وبلىستارىنىڭ وڭتۇستىگىندە وتە قاتتى ىستىق كۇتىلەدى.