سينوپتيكتەر الداعى ءۇش كۇن, 19-21 شىلدەگە ارنالعان اۋا رايى بولجامىن ۇسىندى, دەپ حابارلايدى Egemen.kz.
قازاقستان اۋماعىنىڭ باسىم بولىگى سولتۇستىك-باتىس انتيتسيكلون ىقپالىندا بولادى. 20 شىلدەدەن باستاپ سولتۇستىك-باتىس تسيكلون ويپاتى مەن ونىمەن بايلانىستى اتموسفەرالىق فرونتالدى بولىكتەردىڭ ىقپالىندا بولادى. وسىعان بايلانىستى ەلىمىزدىڭ باسىم بولىگىندە جاڭبىر جاۋىپ, نايزاعاي وينايدى, جەل كۇشەيەدى.
ەلدىڭ باتىس جانە وڭتۇستىك-باتىسىندا, ال 20 شىلدەدەن باستاپ ورتالىق, وڭتۇستىك, وڭتۇستىك-شىعىسىندا اۋانىڭ تەمپەراتۋراسى 40-45 گرادۋسقا دەيىن كوتەرىلەدى.