قازاقستاندا اپتاپ ىستىق بولادى

رەسپۋبليكانىڭ وڭتۇستىگىندە, وڭتۇستىك-شىعىسىندا, وڭتۇستىك-باتىسىندا جانە ورتالىعىندا اۋا رايى جاۋىن-شاشىنسىز. قازاقستاننىڭ قالعان اۋماعىندا اتموسفەرالىق فرونتالدى ۋچاسكەلەردىڭ اسەرىنەن نايزاعاي ويناپ, قىسقا مەرزىمدى جاڭبىر جاۋادى. جەل كۇشەيەدى. وڭتۇستىكتە, وڭتۇستىك-باتىستا شاڭدى داۋىل بولىپ, باتىستا بۇرشاق جاۋادى, سولتۇستىكتە تۇندە جانە تاڭەرتەڭ تۇمان بولادى.

تۇركىستان, قىزىلوردا, اتىراۋ وبلىستارىنىڭ باسىم بولىگىندە, باتىس قازاقستاننىڭ وڭتۇستىگىندە, باتىسىندا, جامبىل وبلىستارىنىڭ وڭتۇستىگىندە توتەنشە ءورت قاۋپى ساقتالادى.

كۇندىز اقمولا, سولتۇستىك قازاقستان, الماتى, تۇركىستان, اتىراۋ, اقتوبە, قوستاناي, ۇلىتاۋ, قىزىلوردا وبلىستارىنىڭ باسىم بولىگىندە, باتىس قازاقستان, قاراعاندىنىڭ وڭتۇستىگىندە قاتتى ىستىق بولادى.

كۇندىز ماڭعىستاۋدىڭ باسىم بولىگىندە, اتىراۋ, اقتوبە, قوستاناي وبلىستارىنىڭ وڭتۇستىگىندە اۋا رايى اپتاپ ىستىق.

نۇر-سۇلتاندا كوشپەلى بۇلت شىعادى, جاۋىن-شاشىنسىز. باتىستان, وڭتۇستىك-باتىستان 3-8 م/س جەل سوعادى. اۋا تەمپەراتۋراسى تۇندە +16+18°س, كۇندىز +31+33°س.

الماتىدا كوشپەلى بۇلت شىعادى, جاۋىن-شاشىنسىز. شىعىستان سوعاتىن جەل 2-7 م/س. اۋا تەمپەراتۋراسى تۇندە +18+20°س, كۇندىز +30+32°س.

شىمكەنتتە كوشپەلى بۇلت شىعادى, جاۋىن-شاشىنسىز. شىعىستان سوعاتىن جەل 8-13 م/س. اۋا تەمپەراتۋراسى تۇندە +20+22°س, كۇندىز +38+40°س.