پاۆلودار. 28 ءساۋىر. س.تورايعىروۆ اتىنداعى پاۆلودار وبلىستىق مەملەكەتتىك ۋنيۆەرسيتەتىنىڭ «ۋنيۆەرسيتەت-تۆ» ستۋدەنتتىك-تەلەارناسى رەسەيدىڭ توم قالاسىندا وتكەن بايقاۋدا جەڭىمپاز اتاندى. بۇل تۋرالى ۋنيۆەرسيتەت ءباسپاسوز قىزمەتىنىڭ دەرەگىنە سىلتەمە جاساعان egemen.kz ءتىلشىسى حابارلادى.
عىلىمي-تانىمدىق, اعارتۋشىلىق باعدارلامالار مەن ۋنيۆەرسيتەت تەلەباعدارلامالارىنىڭ «ۋنيۆەرسيتەت -تۆ» بۇكىلرەسەيلىك فەستيۆالىنە پاۆلودارلىقتاردان بولەك, ۆ.شۋحوۆ اتىنداعى بەلگورود مەملەكەتتىك تەحنولوگيالىق ۋنيۆەرسيتەتى, كەمەروۆ مەملەكەتتىك ۋنيۆەرسيتەتى, توم پوليتەحنيكالىق ۋنيۆەرسيتەتى, وڭتۇستىك ورال مەملەكەتتىك ۋنيۆەرسيتەتى, ف. دوستوەۆسكي اتىنداعى ومبى ۋنيۆەرسيتەتى, توم باسقارۋ جانە راديوەلەكترونيكا ۋنيۆەرسيتەتى, ءنوۆوسىبىر مەملەكەتتىك تەحنيكالىق ۋنيۆەرسيتەتى, «ساحا» ۇلتتىق حابار تاراتۋ كومپانياسى, «توم» قترك, ساراتوۆ مەملەكەتتىك زاڭ اكادەمياسى قاتىسىپ, وزدەرى دايىنداعان تۋىندىلارىن كورسەتتى.
ال س.تورايعىروۆ اتىنداعى ۋنيۆەرسيتەتتىڭ تەلەۆيلەنيەسى بايقاۋ ءۇشىن ارنايى دايىنداعان حابار «باعدارلامانىڭ ەڭ ۇزدىك ءديزاينى» اتالىمى بويىنشا جەڭىمپاز اتاندى. ستۋدەنتتىك تەلەارنا رەسەيدە ءماشھۇر ءجۇسىپتىڭ ءومىرى مەن شىعارماشىلىعىنا ارنالعان «حالىققا دارىعان دانالىق» اتتى تانىمدىق دەرەكتى ءفيلمىن كورسەتتى. ۋنيۆەرسيتەت مەديا-ورتالىعىنىڭ رەجيسسەرى ەلەنا دياچەنكو, وقۋ ءۇردىسىن اقپاراتتاندىرۋ ءبولىمىنىڭ جەتەكشىسى ساپار توقسانوۆ, ينجەنەر باعدارلاماشى ەلەنا بارانوۆالار جۇلدەلى ورىن الۋعا ءوز ۇلەستەرىن قوستى.
توم قالاسىندا سونداي-اق «تانىمدىق تەلەديدار: ەلدەگى زياتكەرلىك پوتەنتسيالدى ساقتاۋ جانە دامىتۋ» اتتى عىلىمي-تاجىريبەلىك سەمينار دا ءوتتى. عىلىمي سەمينارعا رف ءبىلىم جانە عىلىم مينيسترلىگى, «ءسىبىر اشىق ۋنيۆەرسيتەتى» اسسوتسياتسياسى, توم قوعامدىق پالاتاسىنىڭ وكىلدەرى قاتىستى.
فاريدا بىقاي.
دەرەككوز: egemen.kz.
فوتو: www.inform.kz.