سينوپتيكتەر 30 ماۋسىمعا ارنالعان اۋا رايى بولجامىن جاريالادى, دەپ حابارلايدى Egemen.kz.
«اتموسفەرالىق فرونتالدى بولىكتەردىڭ اسەرىنەن ەلدىڭ باسىم بولىگىندە تۇراقسىز اۋا رايى ساقتالادى, نايزاعاي ويناپ, جاڭبىر جاۋادى. سولتۇستىكتە, شىعىستا بۇرشاق, وڭتۇستىكتە, وڭتۇستىك-باتىستا شاڭدى داۋىل بولادى. رەسپۋبليكا بويىنشا جەل كۇشەيىپ, وڭتۇستىگىندە داۋىل سوعادى», دەلىنگەن حابارلامادا.
اتاپ ايتقاندا, كۇندىز الماتى, جەتىسۋ, جامبىل, تۇركىستان وبلىستارىندا قاتتى ىستىق بولادى.
قىزىلوردا, الماتى وبلىستارىندا, اباي وبلىسىنىڭ باتىسىندا, باتىس قازاقستان وبلىسىنىڭ شىعىسىندا, اتىراۋ وبلىسىنىڭ باتىسىندا, شىعىسىندا ۇلىتاۋ وبلىسىنىڭ وڭتۇستىك-باتىسىندا, قاراعاندى وبلىسىنىڭ وڭتۇستىك-شىعىسىندا, جامبىل وبلىسىنىڭ وڭتۇستىگىندە, پاۆلودار وبلىسىنىڭ ورتالىعىندا, تۇركىستان وبلىسىنىڭ سولتۇستىگىندە توتەنشە ءورت قاۋپى بولادى.
قىزىلوردا, الماتى وبلىستارىنىڭ باسىم بولىگىندە, اباي وبلىسىنىڭ باتىسىندا, باتىس قازاقستان وبلىسىنىڭ شىعىسىندا, اتىراۋ وبلىسىنىڭ باتىسىندا, شىعىسىندا, ۇلىتاۋ وبلىسىنىڭ وڭتۇستىك-باتىسىندا, قاراعاندى وبلىسىنىڭ وڭتۇستىك-شىعىسىندا, جامبىل وبلىسىنىڭ وڭتۇستىگىندە, پاۆلودار وبلىسىنىڭ ورتالىعىندا, تۇركىستان وبلىسىنىڭ سولتۇستىگىندە توتەنشە ءورت قاۋپى ساقتالادى.