بيىل مەگاپوليستەگى جوعارى وقۋ ورىندارىنىڭ بىرىندە 117 ميلليون تەڭگەگە ءبىر دانا كىتاپ ساتىپ الۋ جوسپارلانعان. قالالىق سىبايلاس جەمقورلىققا قارسى قىزمەت مەملەكەتتىك ساتىپ الۋ جۇيەسىنە جۇرگىزىلگەن مونيتورينگ بارىسىندا كىتاپ ساتىپ الۋ بارىسىنداعى قىمباتشىلىق فاكتىسىن انىقتادى, دەپ حابارلايدى Egemen.kz.
«مونيتورينگ بارىسىندا سيپاتتامالاردا تاۋاردىڭ اتاۋى, سونداي-اق جوعارىدا اتالعان كىتاپتىڭ اۆتورى كورسەتىلمەگەنى انىقتالدى», دەپ حابارلادى سىبايلاس جەمقورلىققا قارسى قىزمەتى.
تەندەر وتكىزىلمەيتىن بولدى. مەكەمەدە اتاپ وتىلگەندەي, مەملەكەتتىك ساتىپ الۋ پورتالىندا جىلدىق جوسپاردى ورنالاستىرۋ كەزىندە تەحنيكالىق قاتەلىك جىبەرىلىپ, وندا جوسپارلانعان جۇمىس بويىنشا ءبىر كىتاپ ەمەس, ءبىر لوت كورسەتىلگەن.
ايتا كەتۋ كەرەك, الماتى قالاسى بويىنشا سىبايلاس جەمقورلىققا قارسى قىزمەت 2021 جىلعا ارنالعان مونيتورينگ بويىنشا 13 ميلليارد تەڭگەدەن استام بيۋدجەت قاراجاتىنىڭ ءتيىمسىز جۇمسالۋىنا توسقاۋىل قويعان.