ەلىمىزدىڭ كەي وڭىرىندە بۇرشاق جاۋادى

«ەلىمىزدىڭ باتىس وڭىرىنە, سولتۇستىك انتيتسيكلون الىدە ءوز اسەرىن تيگىزەدى, وسىعان بايلانىستى اۋا رايى جاۋىن-شاشىنسىز بولادى. قازاقستاننىڭ باسقا ايماقتارى تسيكلون جىراسىنىڭ ىقپالىندا بولادى, وسىعان بايلانىستى تۇراقسىز اۋا رايى بولىپ, جاۋىن-شاشىن, وڭتۇستىك-شىعىستىڭ تاۋلى اۋداندارىندا قاتتى جاڭبىر جاۋادى. رەسپۋبليكا بويىنشا نايزاعاي, داۋىل, بۇرشاق بولىپ, جەل كۇشەيىپ, تاڭەرتەڭ جانە كۇندىز شىعىستا تۇمان تۇسەدى, ورتالىقتا توپىراق بەتىندە ۇسىك جۇرەدى», دەلىنگەن «قازگيدرومەت» رمك حابارلاماسىندا.

اتاپ ايتقاندا, جامبىل وبلىسىنىڭ سولتۇستىگىندە, باتىسىندا, وڭتۇستىگىندە, تاۋلى اۋداندارىندا بۇرشاق جاۋىپ, داۋىل سوعىپ, وبلىستىڭ سولتۇستىك-شىعىسىندا, وڭتۇستىك-باتىسىندا, تاۋلى اۋداندارىندا جەل 15-20 م/س كۇشەيەدى.

كۇندىز الماتى وبلىسىنىڭ وڭتۇستىگىندە, شىعىسىندا جانە تاۋلى اۋداندارىندا داۋىل سوعادى, وبلىستىڭ شىعىسىندا جانە تاۋلى اۋداندارىندا جەلدىڭ 15-20, ەكپىنى 25 م/س كۇشەيۋى كۇتىلەدى.

تۇركىستان وبلىسىنىڭ سولتۇستىگىندە, باتىسىندا, تاۋلى جانە تاۋ بوكتەرلى اۋداندارىندا داۋىل سوعىپ, وبلىستىڭ سولتۇستىگىندە, باتىسىندا, تاۋلى جانە تاۋ بوكتەرلى اۋداندارىندا جەلدىڭ 15-20, ەكپىنى 25 م/س جەتەدى.

تۇندە اقمولا وبلىسىندا سولتۇستىكتە, كۇندىز سولتۇستىگىندە, وڭتۇستىگىندە, شىعىسىندا بۇرشاق جاۋى مۇمكىن, كۇندىز سولتۇستىكتە, شىعىستا, وڭتۇستىكتە جەل كۇشى 15-20 م/ جەتەدى.

كۇندىز قوستاناي وبلىسىنىڭ باتىسىندا, سولتۇستىكتە بۇرشاق جاۋى مۇمكىن, كۇندىز وبلىستىڭ سولتۇستىگىندە, شىعىسىندا جەل كۇشى 15-20 م/س جەتەدى.

سولتۇستىك قازاقستان وبلىسىنىڭ سولتۇستىگىندە, شىعىسىندا  جەل 15-20, ەكپىنى 23 م/س جەتەدى.

قىزىلوردا وبلىسىنىڭ ورتالىعىندا, كۇندىز پاۆلودار وبلىسىنىڭ باتىسىندا, شىعىسىندا, ورتالىقتا, شىعىس قازاقستان وبلىسىنىڭ سولتۇستىك-باتىسىندا جەلدىڭ ەكپىنى 15-20 م/س كۇشەيىپ, تۇندە جانە تاڭەرتەڭ شىعىس قازاقستان وبلىسىنىڭ سولتۇستىك-شىعىسىندا تۇمان تۇسەدى.

كۇندىز قاراعاندى وبلىسىنىڭ سولتۇستىگىندە جەلدىڭ ەكپىنى 15-20 م/س جەتەدى. تۇندە جانە تاڭەرتەڭ ماڭعىستاۋ وبلىسىنىڭ وڭتۇستىگىندە, شىعىسىندا جەل 15-20 م/س كۇشەيەدى.

تۇندە قاراعاندى وبلىسىنىڭ شىعىسىندا توپىراق بەتىندە 1 گرادۋس ۇسىك جۇرەدى.

قىزىلوردا وبلىسىنىڭ ورتالىعىندا, شىعىس قازاقستان وبلىسىنىڭ سەمەي قالاسىندا توتەنشە ءورت قاۋپى ساقتالادى.