2014 جىلدىڭ 4 ءساۋىرى استانا قالاسى
«ەكونوميكالىق قىزمەت سالاسىنداعى قىلمىستاردى سارالاۋدىڭ كەيبىر ماسەلەلەرى تۋرالى» قازاقستان رەسپۋبليكاسى جوعارعى سوتىنىڭ 2004 جىلعى 18 ماۋسىمداعى №2 نورماتيۆتىك قاۋلىسىنا (قازاقستان رەسپۋبليكاسى جوعارعى سوتىنىڭ 2011 جىلعى 21 ساۋىردەگى №1 نورماتيۆتىك قاۋلىسىمەن ەنگىزىلگەن وزگەرىستەرىمەن جانە تولىقتىرۋلارىمەن بىرگە) وزگەرىستەر مەن تولىقتىرۋلار ەنگىزۋ تۋرالى»
قازاقستان رەسپۋبليكاسى جوعارعى سوتىنىڭ جالپى وتىرىسى قاۋلى ەتتى:
1. قازاقستان رەسپۋبليكاسى جوعارعى سوتىنىڭ جوعارىدا كورسەتىلگەن نورماتيۆتىك قاۋلىسىنا مىناداي وزگەرىستەر مەن تولىقتىرۋلار ەنگىزىلسىن:
1) 5-تارماق الىپ تاستالسىن;
2) 6-تارماقتا «قىلمىستىق كودەكستىڭ» دەگەن سوزدەردەن كەيىن «(بۇدان ءارى – قك)» دەگەن سوزدەرمەن تولىقتىرىلسىن
3) 13-تارماقتا ءتورتىنشى ابزاتس مىناداي مازمۇنداعى سويلەممەن تولىقتىرىلسىن:
«شىن اقشا كۋپيۋرالارى مەن باعالى قاعازداردان وزگەرىستەرى انىق بايقالاتىن جالعان بانكنوتتار مەن باعالى قاعازدار ارقىلى بوتەننىڭ مۇلكىن يەلەنگەن ادامنىڭ ارەكەتى دە الاياقتىق رەتىندە سارالانۋعا جاتادى»;
4) مىناداي مازمۇنداعى 14-1-تارماقپەن تولىقتىرىلسىن:
«14-1. قك-ءنىڭ 220-بابى بويىنشا بانك قىزمەتكەرى, ونىڭ ارەكەتىندە ۇرلاۋ بەلگىلەرى بولماعان كەزدە جاۋاپكەرشىلىك كوتەرەدى. ەگەر وسى باپتىڭ ديسپوزيتسياسىندا كورسەتىلگەن ارەكەتتەردى بانك قىزمەتكەرى بانكتىڭ اقشا قاراجاتتارىن ءوزىنىڭ مەنشىگىنە نەمەسە باسقا ادامداردىڭ مەنشىگىنە وتەۋسىز اينالدىرۋ نيەتىمەن جاساسا, وندا ونىڭ ارەكەتتەرى قك-ءنىڭ 220-بابى بويىنشا قوسىمشا سارالانباي, ۇرلاعانى ءۇشىن ءتيىستى باپتار بويىنشا جاۋاپكەرشىلىككە تارتۋعا جاتادى.».
2. قازاقستان رەسپۋبليكاسى كونستيتۋتسياسىنىڭ 4-بابىنىڭ 1-تارماعىنا سايكەس, وسى نورماتيۆتىك قاۋلى قولدانىستاعى قۇقىق قۇرامىنا قوسىلادى, سونداي-اق جالپىعا بىردەي مىندەتتى بولىپ تابىلادى جانە رەسمي تۇردە جاريالانعان كۇنىنەن باستاپ كۇشىنە ەنەدى.
قازاقستان رەسپۋبليكاسى جوعارعى سوتىنىڭ توراعاسى ق.ءمامي.
قازاقستان رەسپۋبليكاسى جوعارعى سوتىنىڭ سۋدياسى, جالپى وتىرىس حاتشىسى ق.شاۋحاروۆ.