جاقىندا سىرتقى ىستەر ءمينيسترىنىڭ ءبىرىنشى ورىنباسارى – ەكسپو-2017 كوميسسارى ءراپىل جوشىباەۆ يراندىق «Tejarat Almas» حولدينگى باسشىلىعىمەن كەزدەستى.
كەزدەسۋ بارىسىندا يراندىق دەلەگاتسياعا ەكسپو-2017 جوباسى تانىستىرىلدى. سونىمەن قاتار, تاراپتار تۋريزم جانە قۇرىلىس سالاسىنا ينۆەستيتسيا تارتۋ ماسەلەلەرىن تالقىلادى. ءراپىل جوشىباەۆ ەكسپو جوباسىنا شەتەلدىك كاپيتالدى قاتىستىرۋدى ىنتالاندىرۋعا بايلانىستى قازاقستاندىق جاقتىڭ جاساپ جاتقان شارالارى مەن قازاقستاننىڭ تۋريستىك قىزمەت سالاسىنداعى قابىلەتى جايىندا ەگجەي-تەگجەيلى اڭگىمەلەپ بەردى.
«Tejarat Almas» حولدينگى 150-گە جۋىق كومپانيانى بىرىكتىرەتىن كوپسالالى مەكەمە بولىپ تابىلادى. ول تۇرعىن ءۇي, وفيستىك عيماراتتار سالۋ, ءىت تەحنولوگيالار جانە تۋريستىك بيزنەس سالالارىندا جۇمىس ىستەيدى. جىلدىق قارجى اينالىمى 3,5 ملرد. اقش دوللارىنان استام.
كەزدەسۋ قورىتىندىسى بويىنشا تاراپتار ەكسپو نىساندارىنا ينۆەستيتسيا سالۋ ماسەلەسىن تەرەڭىرەك زەرتتەۋگە ۋاعدالاستى.
«ەگەمەن-اقپارات».