بىرنەشە وبلىستا اۋا رايىنا بايلانىستى ەسكەرتۋ جاريالاندى

«قازگيدرومەت» بولجامى بويىنشا, 2 ماۋسىمدا كۇندىز تۇركىستان وبلىسىنىڭ باتىسىندا, تاۋلى جانە تاۋ بوكتەرلى اۋدانداردا نايزاعاي ويناپ, كۇشتى جەل سوعادى. سولتۇستىك-باتىستان جەل سوعادى, كۇندىز وبلىستىڭ باتىسىندا, تاۋلى جانە تاۋ بوكتەرلى اۋدانداردا جەلدىڭ جىلدامدىڭى سەكۋندىنا 15-20 مەترگە جەتەدى, ەكپىنى 23 م/س بولادى.

شىمكەنتتە نايزاعاي ويناپ, كۇشتى جەل تۇرادى. سولتۇستىك-باتىستان جەل سوعادى, كۇندىز ەكپىنى 15-20 م/س بولادى.

تۇركىستاندا دا نايزاعاي ويناپ, كۇشتى جەل تۇرادى. سولتۇستىك-باتىستان سوققان جەلدىڭ جىلدامدىعى سەكۋندىنا 15-20 مەترگەجەتىپ, ەكپىنى 23 م/س بولادى.

سولتۇستىك قازاقستان وبلىسىنىڭ سولتۇستىگىندە, شىعىسىندا سولتۇستىك-باتىستان جەل سوعادى, كۇشى سەكۋندىنا 15-20 مەترگە جەتەدى, ەكپىنى 23 م/س.

پەتروپاۆلدا كۇندىز سولتۇستىك-باتىستان جەل سوعادى, ەكپىنى سەكۋندىنا 15-20 مەترگە جەتەدى.

قىزىلوردا وبلىسىنىڭ وڭتۇستىگىندە, شىعىسىندا نايزاعاي ويناپ, وبلىستىڭ ورتالىعىندا شاڭدى داۋىل تۇرادى. جەل سولتۇستىك-شىعىستان سوعادى, وبلىستىڭ ورتالىعىندا, سولتۇستىگىندە كۇشى سەكۋندىنا 15-20 مەترگە جەتەدى. وبلىستىڭ ورتالىعىندا توتەنشە ءورت قاۋپى ساقتالادى.

شىعىس قازاقستان وبلىسىنىڭ سولتۇستىگىندە, وڭتۇستىگىندە, شىعىسىندا نايزاعاي ويناپ, بۇرشاق جاۋادى, داۋىل تۇرادى. جەل باتىستان, سولتۇستىك-باتىستان سوعىپ, وبلىستىڭ سولتۇستىگىندە, وڭتۇستىگىندە, شىعىسىندا جىلدامدىعى سەكۋندىنا 15-20 مەترگە جەتەدى, كۇندىز ەكپىنى 25 م/س بولادى.

وسكەمەندە نايزاعاي وينادى. جەل باتىستان, سولتۇستىك-باتىستان سوعىپ, تاڭەرتەڭ جانە كۇندىز ەكپىنى 15-18 م/س-كە جەتەدى.

سەمەيدە نايزاعاي وينايدى. جەل باتىستان, سولتۇستىك-باتىستان سوعىپ, ەكپىنى 15-20 م/س-كە جەتەدى.

الماتى وبلىسىنىڭ سولتۇستىگىندە, وڭتۇستىگىندە, شىعىسىندا جانە تاۋلى اۋداندارىندا نايزاعاي ويناپ, بۇرشاق جاۋادى, داۋىل تۇرادى. سولتۇستىك-باتىستان سوققان جەل سولتۇستىك-شىعىسقا اۋىسادى, كۇشى وبلىستىڭ وڭتۇستىگىندە, شىعىسىندا جانە تاۋلى اۋداندارىندا 15-20 م/س, كۇندىز ەكپىنى 25 م/س بولادى.

تالدىقورعاندا كەي ۋاقىتتا نايزاعاي وينايدى.

ماڭعىستاۋ وبلىسىنىڭ سولتۇستىگىندە شاڭدى داۋىل تۇرادى. سولتۇستىك-شىعىستان جەل سوعادى, كۇندىز وبلىستىڭ سولتۇستىگىندە جىلدامدىعى سەكۋندىنا 15-20 مەترگە جەتەدى. وبلىستىڭ وڭتۇستىگىندە 38 گرادۋس اپتاپ ىستىق بولادى.

ايانا توعانبەك