بۇگىن ەل اۋماعىندا اۋا رايى تۇراقسىز بولادى

قازگيدرومەتتىڭ مالىمەتىنشە, رەسپۋبليكانىڭ باتىسى مەن سولتۇستىك-باتىسىندا عانا سولتۇستىك انتيتسيكلوننىڭ اسەرىنەن جاۋىن-شاشىنسىز اۋا رايى ساقتالادى.

ەل بويىنشا جەل كۇشەيەدى. قاراعاندى وبلىسىنىڭ سولتۇستىگىندە, شىعىسىندا نايزاعاي جارقىلداپ, بۇرشاق جاۋادى, داۋىل تۇرادى. جەلدىڭ ەكپىنى 15-20 م/س جەتەدى, كۇندىز - 23 م/س.

كۇندىز جامبىل وبلىسىنىڭ سولتۇستىگىندە, وڭتۇستىگىندە, تاۋلى اۋداندارىندا كۇن كۇركىرەپ, بۇرشاق جاۋادى. تاڭەرتەڭ جانە كۇندىز ءوڭىردىڭ سولتۇستىك-شىعىسىندا, تاۋلى اۋداندارىندا جەل جىلدامدىعى 15-20 م/س دەيىن كۇشەيەدى.

پاۆلودار وبلىسىنىڭ سولتۇستىك-شىعىسىندا - نايزاعاي, بۇرشاق, داۋىل بولادى. كۇندىز جەل قارقىنى - 15-20 م/س, كۇندىز وبلىستىڭ شىعىسىندا 23 م/س جەتەدى.

اقمولا وبلىسىنىڭ سولتۇستىگىندە, شىعىسىندا نايزاعاي جارقىلدايدى, بۇرشاق جاۋىپ, داۋىل تۇرادى. وبلىستىڭ شىعىسىندا, وڭتۇستىگىندە جەلدىڭ كۇشى 15-20 م/س جەتەدى.

سولتۇستىك قازاقستان وبلىسىنىڭ سولتۇستىگىندە, شىعىسىندا - نايزاعاي, بۇرشاق, داۋىل, كۇندىز باسىم بولىگىندە جەلدىڭ كۇشى - 15-20 م/س, كۇندىز ەكپىنى - 25 م/س.

الماتى وبلىسىنىڭ سولتۇستىگىندە, شىعىسىندا, تاۋلى اۋداندارىندا نايزاعاي ويناپ, وبلىستىڭ شىعىسىندا جەل - 17-22, ەكپىنى 27 م/س دەيىن كۇشەيەدى. قوستاناي ​​وبلىسىنىڭ شىعىسىندا تۇندە كۇن كۇركىرەيدى. كۇندىز جەل جىلدامدىعى 15-20 م/س جەتەدى.

كۇندىز قىزىلوردا وبلىسىنىڭ ورتالىعىندا, وڭتۇستىگىندە, ماڭعىستاۋ وبلىسىنىڭ سولتۇستىگىندە جەل قارقىنى 15-20 م/س دەيىن كۇشلەيىپ, شاڭدى داۋىل سوعادى.

شىعىس قازاقستان وبلىسىنىڭ وڭتۇستىگىندە, شىعىسىندا نايزاعاي وينايدى, جەل ەكپىنى - 15-20 م/س. كۇندىز تۇركىستان وبلىسىنىڭ تاۋلارىندا - نايزاعاي, داۋىل. كۇن كۇركىرەگەن كەزدە جەلدىڭ جىلدامدىعى 15-20 م/س جەتەدى.