بۇگىن, 18 ءساۋىر كۇنى بايلانىس جانە اقپارات اگەنتتىگى «جۇلدىزدار وتباسى. اڭىز ادام» جۋرنالىنىڭ ءساۋىر ايىندا شىققان نومىرىنە بايلانىستى مالىمدەمە جاسادى. بۇل تۋرالى اگەنتتىكتىڭ ءباسپاسوز قىزمەتى حابارلادى.
«جۋرنالدىڭ مازمۇنىندا قازاقستان رەسپۋبليكاسىنىڭ كونستيتۋتسياسى مەن زاڭناماسىن بۇزۋشىلىق, اتاپ ايتقاندا, الەۋمەتتىك, ۇلتتىق, رۋلىق, ناسىلدىك نەمەسە ءدىني ارازدىقتى قوزدىرۋ (قر قىلمىستىق كودەكسىنىڭ164-بابى) بەلگىلەرى بار. اتالعان فاكتى بويىنشا اگەنتتىك ءتيىستى شارالار قابىلداۋدا», دەلىنگەن حابارلامادا.
ءباسپاسوز قىزمەتىنىڭ مالىمەتىنشە, باسىلىمىنىڭ ءساۋىر ايىنداعى نومەرىنىڭ كوپ بولىگى ادولف گيتلەر تۇلعاسىنىڭ جان-جاقتى قىرلارىن جانە فاشيستىك يدەولوگيانى اقتاپ الۋعا ارنالعان. اتاپ ايتقاندا, «گيتلەر فاشيست ەمەس» دەگەن تاقىرىپپەن شىققان ماتەريالداردا جۋرناليست ناعاشىباي ەسمىرزا ۇلتشىل-سوتسياليستەردىڭ كوشباسشىسىن اقتاپ قانا قويماي, سونىمەن بىرگە, ءماتىن اشىق تۇردە كسەنوفوبيالىق سيپاتتا بەرىلگەن.
«ماين كامپف - بۇل كىتاپ نە تۋرالى؟» دەگەن تاقىرىپتاعى باسقا ماتەريالدا اۆتورلار گيتلەر كىتابىن تالقىلايدى.
جۋرنال جارىلقاپ قالىبايدىڭ رەداكتورلىعىمەن شىعارىلعان.
قۇرىش نۇرىمبەت.
دەرەككوز: بايلانىس جانە اقپارات مينيسترلىگىنىڭ ءباسپاسوز قىزمەتى.