وڭتۇستىك كورەيادا پاروم اپاتىنان قازا بولعاندار كوپ

وڭتۇستىك كورەيادا «سەۆول» پارومىنىڭ اپاتقا ۇشىراۋى سالدارىنان قازا بولعاندار سانى 25 ادامعا جەتتى. بۇل تۋرالى يتار-تاسس حابارلادى. كەشە كەشكىسىن اۋا رايىنىڭ قولايسىزدىعىنان توقتاتىلعان ىزدەۋ-قۇتقارۋ جۇمىستارى قايتا جالعاسىپ, تەڭىزدەن تاعى 16 ادامنىڭ دەنەسى تابىلدى. «سەۆول» پارومى سارسەنبى كۇنى وڭتۇستىك كورەيانىڭ وڭتۇستىك-باتىس جاعالاۋىنداعى پيونپحۋندو ارالىنان 20 شاقىرىم جەردە اپاتقا ۇشىرادى. كەمە ينچحون پورتىنان چەدجۋدو ارالىنا قاراي باعىت العان. ونىڭ بورتىندا 475 ادام بولعان. قازىرگى ۋاقىتتا 179 جولاۋشى قۇتقارىلسا, 271 ادام ءىز-ءتۇسسىز جوعالعاندار قاتارىندا. مامانداردىڭ پىكىرىنشە, پاروم سۋ استىنداعى جارتاستارعا سوعىلعان بولۋى كەرەك. «سەۆول» پارومىنىڭ كاپيتانىنا قاتىستى تەرگەۋ امالدارى ءجۇرىپ جاتىر. وعان جولاۋشىلاردى قۇتقارۋ ءۇشىن ءتيىستى شارالار قابىلداۋدىڭ ورنىنا, اپاتقا ۇشىراعان كەمەدەن العاشقىلاردىڭ ءبىرى بولىپ قاشقان دەگەن ايىپ تاعىلعان. ايدار ورىسباەۆ. دەرەككوز: Itar-tass.com. فوتو: Itar-tass.com.