انتتىڭ ءار ءسوزى زور جاۋاپكەرشىلىك

ساياسي مەملەكەتتىك قىزمەتشىلەر مەملەكەت باسشىسى نۇرسۇلتان نازارباەۆتىڭ الدىندا انت بەردى, دەپ حابارلادى پرەزيدەنتتىڭ ءباسپاسوز قىزمەتى. قازاقستان حالقى مەن پرە­زي­دەنتىنە جوعارى سوت كەڭەسىنىڭ توراعاسى ب.بەكنازاروۆ, رەس­پۋب­لي­كالىق بيۋدجەتتىڭ اتقا­رىلۋىن باقىلاۋ جونىندەگى ەسەپ كوميتەتىنىڭ توراعاسى ق.جاڭ­بىر­شين, پرەزيدەنت كۇزەتى قىزمەتىنىڭ باس­تىعى ءا.سادىقۇلوۆ, بىرقاتار ۇكىمەت مۇشەلەرى مەن وبلىس اكىم­دەرى سالتاناتتى تۇردە انت بەردى. مەملەكەت باسشىسى بەرىلگەن انتتىڭ ءار ءسوزى زور جاۋاپكەرشىلىك جۇكتەيتىنىن اتاپ ءوتتى. – «قازاقستان-2050» سترا­تەگياسى جانە الەمدەگى دامىعان 30 ەلدىڭ قاتارىنا قوسىلۋ جونىندەگى ماقساتىمىز اياسىندا مەملەكەت الدىنا بيىك مىندەتتەر قويىپ وتىر. سوندىقتان سىزدەردىڭ ارقايسىڭىز ءوز سالالارىڭىز بويىنشا جۇك­تەلگەن مىندەتتەردى ەڭ جوعارى دەڭ­گەيدە ورىنداۋعا تيىسسىزدەر. سىزدەردىڭ پارىزدارىڭىز ەل ەكونوميكاسىن جاقسارتۋ, ءاربىر ءوڭىر تۇرعىندارىنىڭ ءال-اۋقاتىن ارتتىرۋ, حالىقتىڭ بىرلىگىن ساقتاۋ بولماق. ەگەر اركىم ءوز جۇمىسىن ويداعىداي اتقاراتىن بولسا, ءبىز العا قويعان بارلىق ماقساتتارعا قول جەتكىزە الامىز, – دەدى نۇرسۇلتان نازارباەۆ. ----------------------------------------- سۋرەتتى تۇسىرگەندەر س.بوندارەنكو, ب.وتارباەۆ.