قازاقستان رەسپۋبليكاسى پرەزيدەنتىنىڭ جارلىعى
الماتى قالاسىنىڭ شەكاراسىن وزگەرتۋ تۋرالى
«قازاقستان رەسپۋبليكاسىنىڭ اكىمشىلىك-اۋماقتىق قۇرىلىسى تۋرالى» 1993 جىلعى 8 جەلتوقسانداعى قازاقستان رەسپۋبليكاسى زاڭىنىڭ 9-بابىنا سايكەس قاۋلى ەتەمىن:
1. الماتى قالاسىنىڭ شەكاراسى ونىڭ شەگىنە جالپى الاڭى 23200 گەكتار الماتى وبلىسى, ونىڭ ىشىندە الاڭى 604,6 گەكتار ىلە اۋدانى, الاڭى 16069,7 گەكتار قاراساي اۋدانى جانە الاڭى 6525,7 گەكتار تالعار اۋدانى جەرىنىڭ ءبىر بولىگىن قوسا وتىرىپ وزگەرتىلسىن.
2. وسى جارلىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەزيدەنتى
ن.نازارباەۆ.
استانا, اقوردا, 2014 جىلعى 16 ءساۋىر. №798
قازاقستان رەسپۋبليكاسى پرەزيدەنتىنىڭ جارلىعى
د.يۋ.تەندى «قۇرمەت» وردەنىمەن ناگرادتاۋ تۋرالى
قاۋلى ەتەمىن:
1. 2014 جىلى سوچي قالاسىندا وتكەن ءححىى قىسقى وليمپيادا ويىندارىنداعى جوعارى سپورتتىق جەتىستىكتەرى ءۇشىن قازاقستان رەسپۋبليكاسىنىڭ ەڭبەك سىڭىرگەن سپورت شەبەرى دەنيس يۋرەۆيچ تەن «قۇرمەت» وردەنىمەن ناگرادتالسىن.
2. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەزيدەنتى
ن.نازارباەۆ.
استانا, اقوردا, 2014 جىلعى 17 ءساۋىر. №800
__________
تاعايىنداۋ
مەملەكەت باسشىسىنىڭ جارلىعىمەن ءيمانجۇسىپ لاتكەن ۇلى اقپومباەۆ رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ مۇشەسى قىزمەتىنە تاعايىندالدى.
حرونيكا
مەملەكەت باسشىسىنىڭ جارلىعىمەن ساپارحان كەسىكباي ۇلى وماروۆ باسقا جۇمىسقا اۋىسۋىنا بايلانىستى رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ مۇشەسى قىزمەتىنەن بوساتىلدى.
* * *
مەملەكەت باسشىسىنىڭ وكىمىمەن ءيمانجۇسىپ لاتكەن ۇلى اقپومباەۆ باسقا جۇمىسقا اۋىسۋىنا بايلانىستى قازاقستان رەسپۋبليكاسى قورعانىس ءمينيسترىنىڭ ورىنباسارى قىزمەتىنەن بوساتىلدى.