قازىعۇرت ماڭىنداعى 8 اۋىلعا سۋ جايىلدى. قازىر 60-قا جۋىق ءۇيدى سۋ باسقان, دەپ حابارلايدى Egemen.kz.
جەكسەنبىدە تۇركىستان وبلىسىنىڭ تاۋلى اۋداندارىندا بۇرشاق ارالاس جاڭبىر جاۋعان. سالدارىنان 200-دەن استام مال قىرىلعان.
قازىعۇرت اۋدانى اكىمدىگىنىڭ ءباسپاسوز قىزمەتىنىڭ حابارلاۋىنشا, قاقپاق ەلدى مەكەنىندە 200, ال ساراپحانا اۋىلىندا 25 باس قىرىلعان. ال زاڭعار ەلدى مەكەنىندە 7, قاراباۋدا 15, تۇعىرتاستا بىرەۋ, قىزىلسەڭگىردە 12, شاناق اۋىلىندا 20 ۇيگە سۋ كىرگەن. بۇگىندە تۇرعىندار قاۋىپسىز جەرگە كوشىرىلگەن.
سۋ باسقان اۋماقتا توتەنشە جاعدايلار دەپارتامەنتى مەن جەرگىلىكتى اتقارۋشى ورگاندار قىزمەتكەرلەرى جۇمىس ىستەپ ءجۇر.