بيىلعى ەڭبەك نارىعىنىڭ ترەندتەرىن تالداۋدىڭ ناتيجەسىندە «بولاشاق» باعدارلاماسىنىڭ باسىم ماماندىقتار تىزىمىنە يننوۆاتسيالار, جاڭا تەحنولوگيالار, مەديتسينا جانە يندۋستريالىق ينجەنەريا, جاراتىلىستانۋ عىلىمدارى سالاسىنداعى 40 جاڭا ماماندىق قوسىلدى.
وسى رەتتە 17 ماماندىقتىڭ اتاۋلارى كەڭەيتىلىپ, بۇرىننان بار ماماندىقتار قاتارىنا قوسىلسا, ال 23-ءى جاڭا ماماندىقتار رەتىندە ەنگىزىلىپ وتىر. جالپى العاندا, باسىم ماماندىقتاردىڭ ءتىزىمى تەحنيكالىق باعىتتاعى ماماندىقتارمەن 30%-عا كەڭەيتىلدى.
حالىقارالىق باعدارلامالار ورتالىعى باسىم ماماندىقتاردى انىقتاۋ ءۇشىن جوعارى جانە جوعارى وقۋ ورنىنان كەيىنگى ءبىلىمى بار كادرلارعا قاجەتتىلىگى تۋرالى مەملەكەتتىك ورگاندار مەن ۇيىمداردان كەلىپ تۇسكەن 70-كە جۋىق وتىنىمگە تالداۋ جاسادى. كادرلىق نارىقتىڭ ورتامەرزىمدى بولجامى ەسكەرىلدى. مەملەكەتتىك ورگاندار, جوو, عىلىمي ورتالىقتار, يندۋستريا جانە بيزنەس وكىلدەرىنىڭ قاتىسۋىمەن ساراپتامالىق كەزدەسۋلەر وتكىزىلدى.
«بيىل شەتەلدىك جوعارى وقۋ ورىندارىندا ءبىلىم الۋعا ارنالعان باسىم ماماندىقتار تىزىمىنە جالپى اكادەميالىق وقۋعا ارنالعان 92 ماماندىق جانە تاعىلىمدامادان وتۋگە ارنالعان 158 ماماندىق كىردى. ءتىزىمدى «حالىقارالىق باعدارلامالار ورتالىعى» اق رەسمي سايتىنان قاراۋعا بولادى», دەيدى «حالىقارالىق باعدارلامالار ورتالىعى» اق باسقارما توراعاسى ءانۋار جانعوزين.