باعانى زاڭسىز قىمباتتاتقان

باعانى زاڭسىز قىمباتتاتقان «اتىراۋاگروسەرۆيس» جشس ساقتاندىرۋ قورىنداعى اۋىلشارۋاشىلىق تاۋارلارىن جوعارى باعامەن ساتىپتى تەڭگەنىڭ ايىرباس باعامىنىڭ وزگەرۋىنەن پايدا تابۋعا باسقا ەمەس, «اتىراۋاگروسەرۆيستىڭ» بارعانى قىزىق بولىپ تۇر. ولاي دەيتىنىمىز, بۇل كاسىپورىن وبلىستاعى ساقتاندىرۋ قورىنداعى اۋىلشارۋاشىلىق تاۋارلارىن تۇراقتى باعامەن ساتاتىن بىردەن-ءبىر وپەراتور. سوعان قاراماستان, اۋىلشارۋاشىلىق تاۋارلارىن جوعارى باعامەن ساتىپ, ەل-جۇرتتىڭ قالتاسىن قاعىپ كەلىپتى. بۇل تۋرالى ەكونوميكالىق قىلمىسقا جانە سىبايلاس جەمقورلىققا قارسى كۇرەس دەپارتامەنتى حابارلاپ وتىر. اتالعان دەپارتامەنت قىزمەت­كەرلەرى وبلىستىق پروكۋراتۋرامەن بىرلەسە «اتىراۋاگروسەرۆيس» جشس-ىنە تەكسەرۋ جۇرگىزگەندە ساق­تاندىرۋ قورىنداعى اۋىل­شا­رۋا­­شىلىق تاۋارلارىن زاڭسىز جو­عارى­لاتىلعان باعامەن ساتۋ فاكتى­سىن انىقتادى. وسىعان وراي «اتىراۋاگروسەرۆيس» جشس دي­رەك­تو­رىنا قاتىستى قىلمىستىق كو­دەك­ستىڭ 307-بابىنداعى 1-ءبولىمى­مەن (قىزمەتتىك وكىلەتتىگىن تەرىس پاي­­دالانۋ) قىلمىستىق ءىس قوزعالدى. ايتپاقشى, ساقتاندىرۋ قورىن­داعى اۋىلشارۋاشىلىق تاۋارلارىنا تۇراقتى باعا كوتەرىلمەيدى دەپ ءوڭىر جۇرتشىلىعىن سەندىر­گەن جەرگىلىكتى بيلىك ازىرگە «اتى­راۋ­اگروسەرۆيستىڭ» باعانى زاڭ­سىز كوتەرۋ ارەكەتىنە بايلانىس­تى ۇستانىمىن بىلدىرگەن جوق. «باعانى زاڭسىز كوتەرگەندەرگە شا­را قولدانىلادى» دەگەن جەرگىلىكتى بي­لىكتىڭ ەندىگى ارەكەتى قالاي بولماق؟.. جولداسبەك شوپەعۇل, «ەگەمەن قازاقستان». اتىراۋ وبلىسى.