جامبىل وبلىسىنىڭ تاراز قالاسىندا تۇڭعىش رەت «قازاق كۇرەسى» كلۋبى اشىلادى. بۇل تۋرالى Munara.kz حابارلادى.
تۋراسىن ايتقاندا, بۇل كلۋب تاراز شاھارىندا عانا ەمەس, قازاقستان بويىنشا العاش رەت اشىلعالى وتىر. قازىر وسى كلۋبتىڭ بوز كىلەمىندە بەلدەسۋگە نيەت بىلدىرگەن بالۋانداردىڭ قاتارى 1300-دەن استى. الايدا, بۇل جەردە ءار ايماقتان ىرىكتەلگەن مىقتىلار عانا جاتتىعا الادى.
قازىرگى كەزدە وبلىس اكىمىنىڭ تىكەلەي تاپسىرماسىمەن جاڭا كلۋب جونىندە ۇيىمداستىرۋ جۇمىستارى جۇرگىزىلۋدە. ال كەلەر جىلى «قازاق كۇرەسى» كلۋبىنىڭ ىرگەتاسىن قالاۋ جوسپارلانعان.«ءدال قازىر كلۋبتىڭ ءىس-قاعازدارى مەن ماتەريالدىق بازاسى تالقىلانىپ جاتىر. ال بالۋاندار «تاراز-ارەنا» كەشەنىندە ۋاقىتشا شىنىعاتىن بولادى. كەلەسى جىلى جاڭا نىساننىڭ قۇرىلىسى باستالادى. سول كەزدە كلۋب تولىقتاي ءوز جۇمىسىنا كىرىسەدى.نەگىزى, مۇنداي كلۋب بۇرىن-سوڭدى ەلىمىزدە اشىلعان ەمەس. ال العاشقى قازاق كۇرەسى كلۋبىن اۋليەاتا وڭىرىندە اشۋ ماسەلەسىنە كەلەر بولساق, ءبىز بۇل ۇسىنىسقا ءبىر اۋىزدان قولداۋ بىلدىردىك. سەبەبى, «ەۋرازيا-بارىسى», «قازاقستان-بارىسى» بەيبىت ىستىباەۆتاي بالۋاندى شىعارا بىلگەن جامبىل جەرىندە قازاق كۇرەسى مىقتاپ دامىعان. سوندىقتان بۇل كلۋبتى بولاشاق «چەمپيوندار مەكتەبى» دەسەك, تولىق نەگىز بار, – دەيدى وبلىس اكىمدىگىنىڭ دەنە شىنىقتىرۋ جانە سپورت باسقارماسىنىڭ باسشىسى گاملەت قايناربەكوۆ.
ءامىرحان الماعانبەتوۆ.
دەرەككوز: Munara.kz.
فوتو: www. Avestnik.kz.