قازاقستان العاش رەت بيللي دجين كينگ كۋبوگىنىڭ فينالىنا شىقتى

بۇگىن قازاقستان مەن گەرمانيانىڭ ءبىرىنشى راكەتكالارى ەلەنا رىباكينا مەن انجەليكا كەربەر ءوز ەلىنىڭ نامىسى ءۇشىن سىنعا ءتۇستى. بۇل ولاردىڭ ءوزارا العاشقى كەزدەسۋى ەدى.

«ۇلكەن دۋلىعا» ءتۋرنيرىنىڭ ءۇش دۇركىن چەمپيونى, الەمنىڭ بۇرىنعى ءبىرىنشى, قازىرگى 17-راكەتكاسى, 34 جاستاعى ا.كەربەردىڭ تاجىريبەسى مول ەكەندىگى بەلگىلى. ودان رەيتينگتە ەكى ساتى تومەن تۇرعان ە.رىباكيناىنىڭ جاسى 22-دە عانا. ءبىرىنشى پارتيا بارىسىندا جەتىنشى گەيمدە گەرمانيالىق تەننيسشى برەيك جاساپ كەتتى – 4:3. سوسىن وسى باسىمدىلىعىنان ايىرىلعان جوق – 6:4. ەكىنشى سەتتە كەربەردىڭ قاتەلىگىنەن كەيىن رىباكينا العا شىقتى – 2:0. پارتيانى دا ءوز پايداسىنا شەشتى – 6:3. ءۇشىنشى, شەشۋشى سەتتى قازاقستاندىق تەننيسشى برەيكپەن باستاعانىمەن, قارسىلاسى سول بويدا تەڭەستىرىپ ۇلگەردى – 1:1. تاعى دا برەيك الماسۋ – 3:3. بۇدان كەيىن كەربەر ماتچقا دوپ بەرگەندە, رىباكينا قايىرا برەيك جاسادى – 4:5. سودان كەيىن قارقىنىن باسەڭدەتكەن جوق – 7:5. تارتىستى وتكەن باسەكە ەكى ساعاتتان استام ۋاقىتقا سوزىلدى. وسىلايشا, قازاقستان ەسەپتى 3:0-گە جەتكىزىپ, بيللي دجين كينگ كۋبوگىنىڭ (كوماندالىق الەم چەمپيوناتى) فينالدىق كەزەڭىنە جولداما الدى.