جامبىل وبلىسىنىڭ تاراز قالاسىنداعى قارجى پوليتسەيلەرى جالعان اقشا باسىپ شىعاراتىن 2 تسەحتىڭ بار ەكەنىن انىقتادى. بۇل تۋرالى «حابار» تەلەارناسى حابارلادى.
قىلمىستىق توپ 200-دەن 10 مىڭ تەڭگەگە دەيىن قاعاز اقشالاردى ءتۇرلى ءتۇستى پرينتەر ارقىلى باسىپ شىعارعان ەكەن. قارجى پوليتسەيلەرى تەكسەرۋ كەزىندە اقشا جاساۋعا ارنالعان ارنايى قاعازدار مەن ولاردى كەسەتىن قۇرالداردى تاركىلەدى. وسىعان قاتىستى قىلمىستىق ءىس قوزعالىپ, كۇدىكتىلەر قاماۋعا الىندى.
«كۇدىكتىلەردىڭ بىرنەشە جىلدار بويى قازاقستان اۋماعىنا 500-گە تارتا جالعان اقشانى وتكىزگەنى انىقتالىپ وتىر. قازىرگى تاڭدا تەرگەۋ امالدارى جۇرگىزىلۋدە. تەرگەۋدىڭ قۇپيالىعىنا سايكەس, كەيبىر مالىمەتتەر ازىرگە جاريالانبايدى»,- دەيدى جامبىل وبلىستىق قارجى پوليتسياسى دەپارتامەنتىنىڭ ءبولىم باسشىسى ماقسات بايداليەۆ.
ءامىرحان الماعانبەتوۆ.
دەرەككوز: «حابار» تەلەارناسى.
فوتو: «حابار» تەلەارناسى.