مىسىردىڭ وڭتۇستىگىندە جاۋلاسقان تايپالاردىڭ قاقتىعىسى كەزىندە ونداعان ادام قازا بولدى. بۇل تۋرالى يتار-تاسس اگەنتتىگى حابارلادى.
«بەني-حاليال» مەن «دابۋديا» تايپالارىنىڭ اراسىنداعى قاقتىعىس وتكەن سەنبىدەن بەرى جالعاسىپ كەلەدى. ودان ءبىر كۇن بۇرىن اسۋان پروۆينتسياسىنداعى مەكتەپ وقۋشىلارى ءبىر-بىرىمەن جانجالداسىپ, بۇل ماسەلەگە ەرەسەكتەر دە ارالاسقان كورىنەدى. جاۋلاسقان ەكى توپ قولدارىنا قارۋ الىپ, اشىق شايقاستى.ءۇش كۇنگە سوزىلعان قاقتىعىستان 26 ادام قازا بولىپ, ونداعان ازامات جاراقات الدى. سونداي-اق بىرنەشە تۇرعىن ءۇي ورتەندى. قازا بولعانداردىڭ اراسىندا ايەلدەر مەن بالالار دا بار ەكەن.
جاۋلاسقان توپتاردى تىنىشتاندىرماقشى بولعان پوليتسيانىڭ ارەكەتى ناتيجە بەرمەگەندىكتەن, ولارعا كومەككە قارۋلى كۇش جاساقتارى تارتىلىپ, اسۋان پروۆينتسياسىنا كومەندانتتىق ساعات ەنگىزىلدى.
اتالعان پروۆينتسيا گۋبەرناتورى مۋستافا يۋسري مالىمدەگەندەي, بيلىك قۇرعان تاتۋلاستىرۋ كوميتەتى مەن جاۋلاسقان توپتاردىڭ اقساقالدارى كەلىسسوز جۇرگىزىپ, ءۇش تاۋلىككە پروۆينتسيادا تىنىشتىق ورناتۋعا شەشىم قابىلداندى.
ايدار ورىسباەۆ.
دەرەككوز: Itar-tass.com.
فوتو: Ap.org.