ىنتىماقتاستىققا ىقىلاس جوعارى

قازاقستان ەلشىسى ب.شابارباەۆ پاكىستان پارلامەنتى ۇلتتىق اسسامبلەياسىنىڭ سپيكەرى س.ساديكپەن كەزدەستى, دەپ حابارلادى قر ءسىم-ءىنىڭ ءباسپاسوز قىزمەتى. تاراپتار ەكىجاقتى ىنتى­ماق­تاستىق, سونىڭ ىشىندە ساياسي جانە ساۋدا-ەكونوميكالىق قاتى­ناستاردىڭ اسپەكتىلەرى, سون­داي-اق, كوپجاقتى پىشىندە ءوزارا ارەكەتتەسۋشىلىك ماسەلە­لەرىن تالقىلادى. ەلشى سپي­كەر­دى قازاقستان پرە­زي­دەن­تى ن.نا­زار­باەۆتىڭ «قا­زاق­ستان جولى – 2050: ءبىر ماق­سات, ءبىر مۇددە, ءبىر بولا­شاق» جولداۋىنىڭ نەگىزگى ماق­سات­تارىمەن تانىستىردى. ەكى جاق ەلدەر اراسىنداعى قاتىناستاردىڭ جاندانا ءتۇس­كەنىن اتاپ ءوتتى. اتاپ ايتقاندا, گااگا قالاسىنداعى يادرولىق قاۋىپ­سىزدىك ءسامميتىنىڭ الاڭىن­دا قازاقستان پرەزيدەنتى نۇر­سۇلتان نازارباەۆتىڭ پاكىس­تان پرەمەر-ءمينيسترى ناۆاز شاريفپەن ەكى­جاقتى كەزدەسۋى, سونداي-اق, جەنە­ۆاداعى 130-پار­لامەنتارالىق وداق اسسام­­بلەياسىنا قاتىسۋ شەڭ­بەرىندە س.ا.ساديكتىڭ قازاق­ستان پارلامەنتى ءماجىلى­سىنىڭ ءتورا­عاسى نۇرلان نى­ع­ما­تۋ­لين­مەن كەزدەسۋى وتكەن بولاتىن. ەكىجاقتى ىنتىماقتاستىق شەڭ­بەرىندە سۇحباتتاستار ەكى ەل باس­­­شىلىعىنىڭ ساپارلارى, استاناداعى ساۋ­دا-ەكونوميكالىق, عىلىمي-تەحني­كالىق جانە مادەني ىنتى­ماق­تاستىق بويىنشا قازاقستان-پاكىستان مەملەكەتارالىق كوميسسياسىنىڭ كەزەكتi وتىرىسىن وتكiزۋ جانە باسقا دا ماسەلەلەردى تالقىلادى. سونى­مەن قاتار, قازاقستان پرە­زيدەنتى ن.نازارباەۆتىڭ باستاماسىمەن قۇرىلعان يىۇ ازىق-ت ۇلىك ۇيىمىنىڭ جارعىسىنا ءپا­كىستاننىڭ قوسىلۋ مۇمكىندىگى قاراستىرىلدى. پاكىستان پارلامەنتى تومەنگى پالاتاسىنىڭ سپيكەرى ۇستىمىزدەگى جىلى قازاقستانعا رەسمي ساپارمەن بارۋ نيەتى بار ەكەنىن ءبىلدىردى.