قازاقستان رەسپۋبليكاسى پارلامەنتىنىڭ ەۋروپا كەڭەسى پارلامەنتتىك اسسامبلەياسىنداعى دەلەگاتسياسىنىڭ جەتەكشىسى – پارلامەنت سەناتى توراعاسىنىڭ ورىنباسارى اسقار بەيسەنباەۆ, سەناتورلار ۆلاديمير بوبروۆ پەن ورىنباي راحمانبەرديەۆ ەكپا-نىڭ جىل سايىنعى سەسسياسىنا قاتىسۋدا. شارا ستراسبۋرگتە وتۋدە.
سەسسيا اياسىندا ەۋروپا كەڭەسى ادام قۇقى جونىندەگى كوميسسارى نيلس مۋيجنيەكس, اۆستريانىڭ فەدەرالدىق پرەزيدەنتى حاينتس فيشەر ءسوز سويلەيدى. ەۋروپا كەڭەسىنىڭ پارلامەنتشىلەرى قىرعىزستان جوگوركۋ كەنەشىنىڭ «دەموكراتيا جولىنداعى ارىپتەس» مارتەبەسىن بەرۋ تۋرالى ساۋالىن, ەۋروپاداعى از ۇلتتاردىڭ جاعدايى مەن قۇقىقتارىن, كيبەركەڭىستىكتى پايدالانۋشىلار قاۋىپسىزدىگىن جاقسارتۋ, ينتەرنەتكە قول جەتكىزۋ قۇقىقتارىن, ەۋروپاداعى بوسقىندار مەن ادام ساۋداسى ماسەلەلەرىن تالقىلايدى. دەپۋتاتتار سونداي-اق, ازاماتتىق تۋرالى ەۋروپالىق كونۆەنتسيانى ءتيىمدى ىسكە اسىرۋ قادامدارىن قاراۋدى جوسپارلاپ وتىر, دەپ حابارلادى قازاقستان رەسپۋبليكاسى پارلامەنتى سەناتىنىڭ باسپاسوز قىزمەتى.