ەرىكتىلەر 4 تونناعا جۋىق گۋمانيتارلىق كومەكتىڭ ءۇش ءجۇز كەلىسىن ءبىر كۇندە جيناپ ۇلگەرگەن, دەپ حابارلايدى Egemen.kz «استانا» تەلەارناسىنا سىلتەمە جاساپ.
بالالار كيىمى مەن ءدارى-دارمەك, تۇرمىسقا ەڭ قاجەتتى زاتتاردى قازاقستانداعى ءتۇرلى ۇلتتىڭ وكىلدەرى تاپسىرعان. قايىرىمدىلىققا كەزىندە ۋكراينادان قازاقستانعا جەر اۋدارىلعان ۋكرايندىقتاردىڭ ۇرپاقتارى بەلسەنە اتسالىستى.
گۋمانيتارلىق قولداۋ شتابى ەرىكتىلەرىنىڭ ايتۋىنشا, قازاق ەلى ۋكرايناعا اسكەري وپەراتسيا باستالعالى 130 توننا كومەك جىبەرگەن.
«گيگيەنالىق زاتتار مەن ءدارى-دارمەك, كيىم-كەشەك. قازىر ەڭ قاجەتتى زاتتار – وسىلار. بۇگىندە ۋكراينادا كوپتەگەن ەلدى مەكەن تۇرعىندارى ەشقايدا شىعا الماي وتىر. سوندىقتان 100 تەڭگەنىڭ ءوزى ۋكرايناعا ۇلكەن كومەك بولادى», دەدى ۋكراينانىڭ قازاقستانداعى توتەنشە جانە وكىلەتتى ەلشىسى پەتر ۆرۋبلەۆسكي.