«نۇر وتان» پارتياسى مەن «قازاقستاننىڭ ازاماتتىق اليانسى» زتب, قازاقستاننىڭ ۇلتتىق كاسىپكەرلەر پالاتاسى, ارداگەرلەر ۇيىمى مەن «ارداگەر» قوعامدىق بىرلەستىگىنىڭ اراسىندا پارتيالىق جوبالاردى جۇزەگە اسىرۋعا بايلانىستى ارىپتەستىك تۋرالى مەموراندۋمدارعا قول قويىلدى.
پارتيا حاتشىلارى ەلدار سىزدىقوۆ پەن قۇمار اقساقالوۆتىڭ ۇكىمەتتىك ەمەس ۇيىمداردىڭ بىرقاتار باسشىلارىمەن وتكىزگەن كەزدەسۋىندە 12 پارتيالىق, ونىڭ ىشىندە «ءساتتى قادام», «جاستار اۋىلعا», «ايقىن تاريف», «كەدەرگىسىز كەلەشەك», «ارداگەرلەردى ارداقتايىق» جانە باسقا جوبالاردى جۇزەگە اسىرۋدىڭ ماسەلەلەرى تالقىلاندى.
«پارتيالىق جوبالاردى جۇزەگە اسىرۋ پارتيا قىزمەتىنىڭ نەگىزىن قۇرايدى. بۇل ءبىر كۇندىك قانا اكتسيا ەمەس, 900 مىڭنان استام پارتيالىقتاردىڭ – جەرگىلىكتى جەرلەردەگى فيليالداردىڭ, بارلىق دەڭگەيدەگى دەپۋتاتتاردىڭ, پارتيا كۋراتورلارىنىڭ, پارتيا باستاۋىش ۇيىمدارىنىڭ تىنىمسىز ەڭبەگى. ءبىز ءۇشىن بۇل جۇمىسقا نەعۇرلىم كوپ قازاقستاندىقتاردىڭ تارتىلۋىنىڭ ماڭىزى زور. ۇەۇ جۇمىسىنىڭ تاجىريبەسى دە وتە ماڭىزدى», دەپ اتاپ ءوتتى قۇمار اقساقالوۆ.
«نۇر وتان» پارتياسى ۇرپاقتار اراسىنداعى ساباقتاستىقتى ساقتاۋعا, قوعامداعى ىنتىماقتاستىق, وتانشىلدىق, ءداستۇر مەن ۇلكەندى سىيلاۋ سەزىمىن نىعايتۋعا باعىتتالعان «ارداگەرلەردى ارداقتايىق» جوباسىن ءجۇزەگە اسىرىپ كەلەدى. جوبا شەڭبەرىندە كەشەندى شارالار ۇيىمداستىرىلادى. اتاپ ايتقاندا, ەگدە ادامداردىڭ جيناعان تاجىريبەسى مەن العان ءبىلىمىن جاس ۇرپاققا ۇيرەتەتىن ءتۇرلى الاڭدار قۇرۋ جوسپارلانىپ وتىر.
«نۇر وتان» پارتياسىنىڭ قاتارداعى مۇشەلەرىنەن تۇراتىن ەرىكتىلەرى مەن «جاس وتان» بەلسەندىلەرىنىڭ ءار ارداگەرمەن جۇرگىزەتىن كۇندەلىكتى جۇمىسى پىكىر الماسۋدىڭ جاندانۋىنا مۇرىندىق بولادى. مىسالى, «جاس وتان» جاستار قاناتىنىڭ ەرىكتىلەرى ينتەرناتسيونالنىي كەنتىندە تۇراتىن ەڭبەك تىلىنىڭ مايدانگەرى باعيلا اديقانوۆاعا بارىپ قايتتى. جاستار بىرنەشە ساعات بويى ارداگەردىڭ اۋلاسىن جيناپ, ءۇيىنىڭ ءىشىن ارلەۋ جۇمىسىنا قولعابىس تيگىزدى. ونىڭ سىرتىندا جوبا شەڭبەرىندە ەگدە ادامداردى بەلسەندى الەۋمەتتىك ومىرگە ارالاستىرۋعا بايلانىستى جۇمىستار جاسالدى. ول ينتەرنەتتە جۇمىس ىستەۋدەگى كومپيۋتەرلىك ساۋاتتىلىققا وقىتاتىن سەمينارلار.
اتاپ وتكەنىمىزدەي, 2014 جىلى «نۇر وتان» ناقتى الەۋمەتتىك توپتاردىڭ ماسەلەسىن – ارداگەرلەر, ەگدە ادامدار, مۇگەدەكتەر, جاستار, بالالار, انالار مەن بيزنەستىڭ ماسەلەلەرىن شەشۋگە باعىتتالعان 12 ءىرى پارتيالىق جوبانى جۇزەگە اسىرۋدا.
«ەگەمەن-اقپارات».