تەڭگەنىڭ ايىرباس باعامىنىڭ وزگەرۋىنە بايلانىستى قىمباتشىلىق بولادى دەپ اۋىل دۇرلىگىپ قالعان ەدى. ءبىز وبلىس ورتالىعىنان وتە شالعايدا, 600 شاقىرىم بولاتىن جانگەلدين اۋدانىندا تۇرامىز. جەردىڭ شالعايلىعىنا بايلانىستى كۇندەلىكتى قولدانىستاعى تاۋارلار وبلىس ورتالىعىنان بىزگە جەتكەنگە دەيىن تاعى دا قىمباتتاي تۇسەتىنىن نەسىنە جاسىرامىز؟ جول, كولىك شىعىنى ەسەپتەلگەندىكتەن ءبىز مۇنى دا ءتۇسىنەمىز. وسىنى ويلاپ, تەڭگە باعامى وزگەرگەن كەزدە ءابىرجىپ قالعانىمىز راس ەدى.
ەلباسى نۇرسۇلتان نازارباەۆ ۇكىمەتتىڭ كەڭەيتىلگەن وتىرىسىندا 1 ساۋىردەن باستاپ ازاماتتىق قىزمەتشىلەردىڭ جالاقىسىنا 10 پايىزدىق تولەم قوسۋدى تاپسىرعان ەدى. ازاماتتىق قىزمەتشىلەرگە ءبىز, ۇستازدار دا جاتامىز. ايلىق جالاقىمىزدىڭ 10 پايىزى ءبىز ءۇشىن اجەپتاۋىر اقشا. قىمباتشىلىقتان قايمىعىپ, قالاي بولار ەكەن دەپ وتىرعاندا ەلباسىنىڭ بۇل شەشىمى كوڭىلىمىزدى ورنىنا ءتۇسىردى. الداعى كۇنگە سەنىمىمىز ارتتى.
ءبىز اۋىل مۇعالىمدەرى كۇنى بويى مەكتەپتە بالالارمەن بىرگە بولامىز. جاس ۇرپاققا ساپالى ءبىلىم بەرۋ ءبىر كۇن دە بوساڭسۋدى كوتەرمەيدى. ءار مۇعالىمنىڭ وتباسى, بالا-شاعاسى بار. سوندىقتان ولاردىڭ كۇنكورىسى, تۇرمىس دەڭگەيى مەكتەپتەگى قىزمەتىنە اسەر ەتەدى. ايلىق جالاقىعا قوسىلعان 10 پايىز اقشا اركىمنىڭ تۇرمىسىنا جاقسى اسەر ەتەدى. ەلباسىنىڭ تاپسىرماسىن ۋاقتىلى ورىنداپ, دارىگەرلەرگە, مۇعالىمدەرگە جانە مادەنيەت پەن الەۋمەتتىك قورعاۋ سالالارىنىڭ قىزمەتكەرلەرىنە قولداۋ جاساعان ۇكىمەتكە دە ريزاشىلىعىمدى ايتار ەدىم. ۇستازدارعا جاسالعان مۇنداي قامقورلىق ءبىلىم سالاسىنىڭ جۇمىسىن جاقسارتۋعا دەگەن يگى قادام دەسەم ارتىق پا؟ كوڭىلى توق ۇستاز ءوزىنىڭ سۇيىكتى ىسىنە دە ىنتامەن كىرىسەتىنى ماعان تانىس كورىنىس.
ازىق-ت ۇلىكتىڭ دە اسا قىمباتتاپ جاتقانىن بايقاپ وتىرعان جوقپىز. ەلىمىز باسشىلىعىنىڭ وسىنداي قامقورلىعىن سەزىنگەن ءبىز ارقامىزدى ۇيگە سۇيەگەندەيمىز. مىڭ دا ءبىر شۇكىر. راحمەت!
روزا قاپانوۆا,
جانگەلدين اۋدانىنداعى ى.التىنسارين
اتىنداعى ورتا مەكتەپتىڭ مۇعالىمى.
قوستاناي وبلىسى.