كەشە قاسىم-جومارت توقاەۆتىڭ توراعالىق ەتۋىمەن وتكەن پارلامەنت سەناتى بيۋروسىنىڭ وتىرىسى بولدى, دەپ حابارلادى پارلامەنت سەناتىنىڭ ءباسپاسوز قىزمەتى.
بيۋرو مۇشەلەرى پالاتانىڭ 3 ساۋىردە بولاتىن الداعى وتىرىسىنىڭ كۇن ءتارتىبىن قارادى. وتىرىستا 1994 جىلعى 28 ناۋرىزداعى قازاقستان مەن رەسەي اراسىنداعى ونەركاسىپتىك اۆاريالاردىڭ, اپاتتاردىڭ, دۇلەي ءزىلزالالاردىڭ الدىن الۋ جانە ولاردىڭ زارداپتارىن جويۋ سالاسىنداعى ىنتىماقتاستىق تۋرالى كەلىسىمگە اۆاريالىق-قۇتقارۋ قىزمەتتەرى مەن قۇرىلىمدارىنىڭ مەملەكەتتىك شەكارانى كەسىپ ءوتۋىنىڭ وڭايلاتىلعان ءتارتىبى تۋرالى ۇكىمەتارالىق حاتتامانى; قازاقستان مەن قىرعىزستان اراسىنداعى توتەنشە جاعدايلار جانە دۇلەي ءزىلزالالاردىڭ قاۋىپ-قاتەرىن ازايتۋ جونىندەگى ورتالىقتى قۇرۋ تۋرالى ۇكىمەتارالىق كەلىسىمدى; 2008 جىلعى 12 جەلتوقسانداعى تاريفتىك كۆوتالاردى قولدانۋدىڭ شارتتارى مەن تەتىگى تۋرالى كەلىسىمگە وزگەرىستەر ەنگىزۋ تۋرالى حاتتامانى; 1928 جىلعى 22 قاراشاداعى حالىقارالىق كورمەلەر تۋرالى كونۆەنتسيانى, وعان 1948 جىلعى 10 مامىرداعى, 1966 جىلعى 16 قاراشاداعى, 1972 جىلعى 30 قاراشاداعى حاتتامالاردى جانە وعان 1982 جىلعى 24 ماۋسىمداعى جانە 1988 جىلعى 31 مامىرداعى تۇزەتۋلەردى راتيفيكاتسيالاۋ تۋرالى زاڭ جوبالارىن قاراۋ كوزدەلىپ وتىر.
سالالىق كوميتەتتەردىڭ توراعالارى وسى زاڭ جوبالارىن پالاتا وتىرىسىندا قاراۋعا ازىرلىك بارىسى تۋرالى حاباردار ەتتى.