شىمكەنتتە ءبىر ايەل قىزىن ۇرىپ ولتىرە جازدادى

شىمكەنت قالاسىنداعى 8-شاعىن اۋداندا تۇراتىن 36 جاسار ايەل ءوزىنىڭ 5 جاسار قىزىن ۇرىپ ءولتىرىپ قويا جازدادى. بۇل تۋرالى otyrar.kz حابارلادى. وقيعاعا كۋا بولعاندار كىشكەنتاي قىزدىڭ شىڭعىرعان داۋسى شاعىن اۋدانعا تۇگەلدەي دەرلىك ەستىلگەنىن ايتادى. وسى ايقايعا كورشىلەرى مەن 65/06 اسكەري ءبولىمنىڭ قىزمەتكەرلەرى جۇگىرىپ كەلگەن. كورشىلەردىڭ ايتۋلارىنشا, ايەلدىڭ قولىنان بالانى تارتىپ الماق بولعاندارىندا, ول قىزىن باسى مەن ىشىنەن قولىمەن دە, اياعىمەن دە ۇرۋىن جالعاستىرا بەرگەن. «مەن كورشى اۋلادا تۇرامىن. سوعان قاراماستان, بالانىڭ ق ۇلىنداي شىڭعىرعان داۋسى ءبىزدىڭ ۇيگە دەيىن ەستىلدى. مەن جۇگىرىپ جەتىپ, بالانى ارت جاعىما قاراي جاسىرماق بولعانىمدا, اناسى ونى ىشىنەن تەبە بەستادى. مەن سوسىن پوليتسيا شاقىرتتىم», - دەدى كوز كورگەندەردىڭ ءبىرى. وقيعا ورنىنا جەرگىلىكتى ۋچاسكەلىك ينسپەكتور مەن جەدەل جاردەم قىزمەتكەرى كەلدى. دارىگەرلەر بالانىڭ باسىنا گەماتوما قالىپتاسىپ, ماڭدايىنا جارا تۇسكەنىن, سونداي-اق بەتى تۇگەل قانتالاپ كەتكەنىن انىقتادى. اباي پوليتسيا بولىمشەسى باستىعىنىڭ ورىنباسارى باعدات اسانوۆ مەديتسينالىق تەكسەرۋ ءوز قىزىن وسىنشالىقتى اياۋسىز ۇرعان ايەلدە پسيحيكالىق اۋىتقۋشىلىق بار ەكەنىن مالىمدەدى. ول پسيحونەۆرالوگيالىق ديسپانسەرگە جىبەرىلدى. تاياق جەگەن بالا قازىر وبلىستىق بالالار اۋرۋحاناسىناعا جاتقىزىلدى. تەرگەۋ امالدارى باستالىپ كەتتى. بۇل شىمكەنت قالاسىندا تاياۋ كۇندەردە ورىن العان بالا ۇرۋدىڭ ەكىنشى ورەسكەل جاعدايى بولىپ وتىر. بۇدان بۇرىن 38 جاستاعى ايەل 2 جاسار قىزىن ءولىمشى ەتىپ ۇرىپ, سونىڭ سالدارىنان نارەستە قايتىس بولدى. ال سونداي اۋىر سوققىلار العان 4 جاسار ەكىنشى قىزى قازىر اۋىر حالدە اۋرۋحانانىڭ جانساقتاۋ بولىمىندە جاتىر. قۇرىش نۇرىمبەت. دەرەككوز: otyrar.kz. فوتو: rnns.ru.