وتكەن جۇما كۇنى قىزىلوردا وبلىسىنىڭ اكىمى قىرىمبەك كوشەرباەۆ قالا اكىمدىگىنىڭ قىزمەتكەرلەرىمەن, دەربەس ءبولىم باسشىلارى, كەنت جانە اۋىلدىق وكرۋگ اكىمدەرىمەن كەزدەسىپ, جاعىمدى جاڭالىعىن جەتكىزدى. ول قىزىلوردا قالالىق اكىمدىگىنىڭ جاڭا عيماراتقا كوشۋى بولاتىن. بۇل تۋرالى قىزىلوردا قالالىق ىشكى ساياسات ءبولىمىنىڭ باسشىسى بالدىرعان مامەن حابارلادى.
وبلىس اكىمدىگىنىڭ جاڭا عيماراتقا كوشۋىنە بايلانىستى جارتى عاسىرلىق تاريحى بار وبلىس اكىمدىگىنىڭ بۇرىنعى عيماراتىنا قالا اكىمدىگى, قالالىق ءماسليحات ورنالاساتىن بولدى. بۇل عيمارات ءوڭىر تۇرعىندارىنا قاتىستى تالاي ماڭىزدى شەشىمدەر قابىلدانعان قۇتتى مەكەن.
مەملەكەتتىك ورگانداردىڭ ىشىندە جۇگى اۋىر سالانىڭ ءبىرى – قالا اكىمدىگى. تۇرعىنداردىڭ كۇندەلىكتى تىنىس-تىرشىلىگىنىڭ قالىپتى دەڭگەيدە ءارى ءۇزىلىسسىز جۇرگىزىلۋى قالا اكىمدىگى مەن اكىمدىككە قاراستى قۇرىلىمداردىڭ قىزمەتىنە تىكەلەي بايلانىستى. بۇل ورايدا, وبلىس اكىمى قالا اكىمدىگىنە ۇدايى قولداۋ كورسەتىلەتىنىن ايتىپ, جاڭا عيماراتتا ابىرويلى قىزمەت ەتۋگە تىلەك ءبىلدىردى.
سونىمەن, بۇگىننەن باستاپ قىزىلوردا قالاسىنىڭ اكىمدىگى جاڭا عيماراتقا كوشتى.
ءامىرحان الماعانبەتوۆ
دەرەككوز: قىزىلوردا قالالىق ىشكى ساياسات ءبولىمى.
فوتو: www.Wikimapia.org.