بۇگىن, 25 ناۋرىز كۇنى ۋفانىڭ «سالاۆات يۋلاەۆ» كومانداسى ءوز الاڭىندا استانانىڭ «بارىسىن» وۆەر-تايمدا 3:2 ەتىپ ۇتتى. بۇل تۋرالى «سوۆەتسكي سپورت» حابارلادى.
ويىننىڭ نەگىزگى ۋاقىتىندا «بارىس» ەكى رەت ەسەپتى تەڭەستىردى. الدىمەن ۋفالىق يگور ميرونوۆتىڭ گولىنا نايدجەل دوۋس جاۋاپ قايتاردى. ماتچ بىتۋگە ەكى مينۋت قالعاندا, الاڭ يەلەرى تاعى دا العا شىقتى. وسىمەن كەزدەسۋ دە اياقتالاتىنداي بولىپ كورىنگەن. ال تورەشىنىڭ سوڭعى ىسقىرىعى ەستىلۋگە 9 سەكۋند قالعاندا, دميتري ۋپپەر ەسەپتى تەڭەستىرىپ ۇلگەردى.
سودان كەيىن وۆەر-تايمعا كەزەك كەلدى. وسى كەزەڭدە سالاۆاتتىق كيريلل كولتسوۆ كومانداسىنا جەڭىس الىپ بەردى.
ەسكە سالا كەتەيىك, بۇل قارسىلاستاردىڭ استانادا وتكەن ەكى كەزدەسۋىنىڭ ناتيجەسى 1:1 بولدى. 21 ناۋرىز كۇنى وتكەن ءبىرىنشى ماتچتا «سالاۆات» پەن «بارىس» نەگىزگى ۋاقىتتا بۇگىنگىدەي 2:2 ەسەبىمەن تەڭ ءتۇستى. قوسىمشا ۋاقىتتا قوناقتار ءبىر دوپ سوعىپ كەتتى. كەلەسى, 22 ناۋرىز كۇنى استانالىقتار 5:2 ەسەبىمەن جەڭىسكە جەتتى. ال 24 ناۋرىزدا ۋفادا جالعاسقان كەزدەسۋدە ءدال وسىنداي ەسەپپەن «سالاۆات» باسىم شىقتى. سوسىنعى ناتيجە مىناداي.
وسىمەن سەرياداعى ەسەپ 3:1 بولدى. «سالاۆات يۋلاەۆ» الدا كەلەدى. قارسىلاستار كەلەسى ماتچتى 27 ناۋرىزدا استانادا وتكىزەدى. ءمۇبادا وسى ويىندا قوناقتار جەڭىپ كەتسە, سەريا دا اياقتالادى.
دامير قوجامقۇل.
دەرەككوز: سوۆەتسكي سپورت.
فوتو: يتار-تاسس.