قىزىلوردا وبلىستىق پروكۋراتۋراسىنىڭ قىزمەتكەرلەرى ءوز اعىمدارىنىڭ يدەولوگياسىن ناسيحاتتاپ جۇرگەن تىركەلمەگەن ءدىني بىرلەستىك مۇشەلەرىن ۇستادى. بۇل تۋرالى وبلىستىق پروكۋراتۋرانىڭ ءباسپاسوز حاتشىسى بوتاگوز سەيىل حابارلادى.
«وبلىستىق پروكۋراتۋرا قازاقستان رەسپۋبليكاسىنىڭ زاڭدارىندا بەلگiلەنگەن تارتiپپەن تiركەلمەگەن ءدىني بىرلەستىك قىزمەتىنە باسشىلىق جاساعانى ءۇشىن قىزىلوردا قالاسىنىڭ تۇرعىنى ازامات يۋ.ر-گە قاتىستى «اكىمشىلىك قۇقىق بۇزۋشىلىق تۋرالى» كودەكستىڭ 374-1 بابى 1-بولىگىمەن اكىمشىلىك ءىس قوزعادى», - دەلىنگەن حابارلامادا.
تىركەلمەگەن ءدىني بىرلەستىكتىڭ ۇستانۋشىلارى وبلىس ورتالىعىندا ورنالاسقان تۇرعىن ۇيلەردىڭ ءوز اعىمىنىڭ يدەولوگياسىن ۋاعىزداعان. وعان قاتىسۋشىلار اراسىنداىندە جاسى كامەلەتكە تولماعان بالالار بولعان.
قىزىلوردا قالاسىنىڭ مامانداندىرىلعان اكىمشىلىك سوتىنىڭ قاۋلىسىمەن ازامات يۋ.ر. تىركەلمەگەن ءدىني بىرلەستىك قىزمەتىنە باسشىلىق جاساعانى ءۇشىن كودەكستىڭ 374-1 بابى 1-بولىگىمەن كىنالى دەپ تانىلىپ, وعان 100 ايلىق ەسەپتىك كورسەتكىش مولشەرىندە ايىپپۇل سالىندى.
ءدىني بىرلەستىكتىڭ قىزمەتىنە قاتىسقان تۇلعالارعا ءدىني قىزمەت جانە ءدىني بىرلەستىكتەر تۋرالى زاڭناما تالاپتارى ءتۇسىندىرىلىپ, تىركەلمەگەن ءدىني بىرلەستىكتىڭ قىزمەتىنە قاتىسقاننىڭ قۇقىقتىق سالدارى ەسكەرتىلدى.
قۇرىش نۇرىمبەت.
دەرەككوز: قىزىلوردا وبلىستىق پروكۋراتۋراسى.